18:00 13 դեկտեմբերի 2019
Ուղիղ եթեր
  • USD477.51
  • GBP640.53
  • EUR533.90
  • RUB7.66
Թինա Կանդելակի

Հայկական հումորը ռուսական մշակույթի մաս է դարձել, իսկ որտե՞ղ է Վրաստանը. Թինա Կանդելակի

© Sputnik / Евгений Биятов
Աշխարհ
Ստանալ կարճ հղումը
186 0 0

Վրաստանը լիովին դուրս է եկել Ռուսաստանի մշակութային համատեքստից։ Դա միայն փոքր դրվագ է երկու երկրների հարաբերություններում։ Մարդկանց, որոնք ձգտում են վերջնականապես խզել երկու երկրների հարաբերությունները, երբեք չի հաջողվի դա անել։

ԵՐԵՎԱՆ, 12 նոյեմբերի — Sputnik. Միխայիլ Գալուստյանը փոխարինում է «Միմինոյին», իսկ Վրաստանի մշակութային արտահանումը շրջանցում է Ռուսաստանը։ Telegram ալիքում այս մասին գրել է հայտնի հաղորդավար Թինա Կանդելակին։ Նա նշել է, որ այս տարի որոշել է ծննդյան օրը նշել Թբիլիսիում և քաղաքը ցույց տալ երեխաներին ու ընկերներին։

Կանդելակին կարծում է, որ քաղաքի կենտրոնը խիստ փոխվել է, բարեկարգ ու եվրոպական է դարձել, իսկ զբոսաշրջիկների համար գրավչությունն այստեղ օգտագործվում է ընդամենը մեկ երրորդով։

Վրացիները եղել են խորհրդային մշակույթի մաս, իսկ հիմա նրանց մասին քչերը գիտեն, հատկապես նրանք, ովքեր չեն եղել Վրաստանում։

«Մեղքի մեծ բաժինն ընկնում է, անշուշտ, Սաակաշվիլու քաղաքականության վրա, որի շնորհիվ իմ ընկեր Միշա Գալուստյանի Սանչո Պանսա Ժորիկի կերպարը սահուն կերպով դուրս մղեց կովկասյան Դոն Կիխոտ Միմինոյի կերպարին։ Comedy Club–ի շնորհիվ հայկական հումորը դարձել է ժամանակակից ռուսական մշակույթի մաս, իսկ ահա ամբողջ վրացական մշակութային արտահանումը, ցավոք, անցնում է Ռուսաստանի կողքով», – գրել է նա։

Նա կարծում է, որ դա ընդամենը փոքր դրվագ է երկու ժողովուրդների ու երկրների պատմությունում։

Թինա Կանդելակի. «Sputnik Արմենիա, հավատում եմ ձեզ». տեսանյութ

«Մի հավատացեք նրանց, ովքեր ասում են` ռուսաց լեզուն անհետանում է առօրյայից։ Մարդիկ հասկանում են, խոսում և հաճույքով են արձագանքում ռուսերեն խոսքին` չամաչելով ճշտել ռուսերեն մոռացված բառը։ Մարդկանց ձայնը, որոնք փորձում են վերջնականապես խզել մեր երկրների միջև հարաբերությունները, կկտրվի։ Անհետ», – նշել է Կանդելակին։

Նշենք, որ «Ռուսթավի 2» հեռուստաալիքի հետ կապված միջադեպից հետո Ռուսաստանում բացասական արձագանքներ հնչեցին, սակայն Ռուսաստանի ղեկավարությունը բազմիցս շեշտել է ազգամիջյան թշնամության և վրաց ժողովրդի մասին բացասական արտահայտությունների անթույլատրելիությունը։

«Սառը քրտինքով արթնացա»․ Կանդելակին վատ երազ է տեսել

Ըստ թեմայի

«Թինան է սադրել». Կանդելակին ցույց է տվել Ռամզան Կադիրովի վերադարձը Instagram. տեսանյութ
«Գիտե՞ք` մամես հայ է». Թինա Կանդելակին Դավոսում «նետվել» է Փաշինյանի վրա. տեսանյութ
Ոչ մի մարզասարք. Թինա Կանդելակին ներկայացրել է վարժություններ` կատարյալ կազմվածքի համար
թեգերը:
Թինա Կանդելակի, Ռուսաստան, Վրաստանի Հանրապետություն

Գլխավոր թեմաներ