04:43 06 դեկտեմբերի 2019
Ուղիղ եթեր
  • USD477.94
  • GBP627.63
  • EUR530.13
  • RUB7.49
Շեր (Շերլին Սարգսյան)

«Ձեր լավագույն ընկեր Էրդողանը». Շերը սիրիահայերի սպանության համար մեղադրել է ԱՄՆ նախագահին

vokrugzvezd
Աշխարհ
Ստանալ կարճ հղումը
27711

Ամերիկահայ երգչուհին սիրիահայ հոգևորականի ու նրա հոր սպանության մահվան մասին գրառում է արել Twitter–ում։

ԵՐԵՎԱՆ, 13 նոյեմբերի — Sputnik. Ամերիկահայ երգչուհի Շերը (Շերլին Սարգսյան) Սիրիայում հայերի սպանության համար մեղադրել է Թուրքիայի նախագահ Էրդողանին և ԱՄՆ նախագահ Դոնալդ Թրամփին:

Երգչուհին այս մասին գրառում է արել Twitter-ի իր էջում։

«Եթե «Իսլամական պետությունը» վերադառնա, Դուք և Էրդողանը պատասխանատու կլինենք նրանց վերադարձի համար: Դուք եք օգնել Էրդողանին կոտորել քրդերին, այնպես որ նրանք չեն աջակցի ձեզ: Մարդիկ կտառապեն և կմահանան: Ձեր «լավագույն ընկեր Էրդողանը» պետք է որ խանդավառված լինի. ԻՊ-ը սպանել է հայ քահանային և նրա հորը»,- գրել է Շերը:

Շերը հռետորական հարց է ուղղել ԱՄՆ նախագահին` «Էրդողանը հո չի՞ գնել է ձեզ»։

Հիշեցնենք` նոյեմբերի 11-ին, Սիրիայում ահաբեկիչները սպանել են Կամիշլիի Հայ Կաթողիկե համայնքի հովվապետ Տեր Հովսեփ քահանա Պետոյանին ու նրա հորը` Հաննա Պետոյանին:

Նրանք իրենց մեքենայով ուղևորվելիս են եղել Դեր Զոր` կաթողիկե եկեղեցու վիճակը պարզելու համար։ Ահաբեկիչները կրակ են բացել մեքենայի ուղղությամբ:

«Գազան են, այլ կերպ չես ասի». Կամիշլիում հրաժեշտ տվեցին սպանված հայ քահանային. տեսանյութ

Հրաձգության հետևանքով Հայ Կաթողիկե համայնքի հովվապետի հայրը տեղում մահացել է, րոպեներ անց էլ` հովվապետ Տեր Հովսեփ քահանա Պետոյանը: Ահաբեկիչների կրակոցների հետևանքով մեքենայում վիրավորվել է Հասիչեի եկեղեցու սարկավագ Ֆաթի Սանոն:

Ըստ թեմայի

Պարսումյան. «Ամեն վայրկյան, ամեն ժամ բոլորս էլ վտանգված ենք»
Թրամփն Էրդողանին 100 միլիարդ դոլարի գործարք է առաջարկել
Սիրիայում հայ հովվապետի սպանության դեպքով ԱԳՆ–ն մեկ հայտարարությամբ չի սահմանափակվելու
Ի՞նչ նպատակ է հետապնդում ԱՄՆ–ն Սիրիայում. Լավրովը հայտարարություն է արել
թեգերը:
հայ, Ռեջեփ Թայիփ Էրդողան, Դոնալդ Թրամփ, Շեր, Սպանություն, հոգևոր հովիվ, Սիրիա

Գլխավոր թեմաներ