14:41 13 դեկտեմբերի 2019
Ուղիղ եթեր
  • USD477.71
  • GBP629.96
  • EUR531.55
  • RUB7.56
Զբոսաշրջիկներ

«Քարտեզահայրը» կօգնի ուտելու սիրահարներին, նեյրոցանցը` էպիլեպսիայով հիվանդներին

© Sputnik / Andranik Ghazaryan
Աշխարհ
Ստանալ կարճ հղումը
Տեխնիկա և նորարարություններ (170)
12810

Զբոսաշրջիկներն այսուհետ կկարողանան ավելի հեշտ կողմնորոշվել` որտեղ կարելի է սնվել ու գոհ մնալ, արհեստական բանականությունը կօգնի հիվանդներին կանխել իրենց հիվանդության հետևանքները, իսկ հայտնի ավտոարտադրողը որոշել է նոր էլեկտրամեքենայով ձեռնոց նետել մրցակիցներին։

ԵՐԵՎԱՆ, 23 նոյեմբերի – Sputnik, Գոռ Մարգարյան․ Այս շաբաթ պարզվեց, որ մասնագետները հնարավորություն կունենան Google քարտեզների միջոցով մեզ խորհուրդ տալ, թե որ ռեստորաններն են հարմար սնվելու համար, իսկ գիտնականները կարևորագույն քայլ են արել տեխնոլոգիաների և բժշկության ոլորտների զարգացման համար։

Google-ը կառաջարկի, թե որտեղ սնվել անծանոթ քաղաքում

Պատկերացրու՝ գնում ես մի քաղաք, որտեղ ոչ մի ծանոթ-բարեկամ չունես, որտեղ ոչ մի նորմալ հաց ուտելու տեղ չգիտես, չգիտես՝ ինչով զբաղվել։ Իհարկե, Google-ի օգնությանն ես դիմելու, բայց երբեք վստահ չես կարող լինել՝ արդյոք ընկերության առաջարկածը լավ տեղ կլինի, թե ոչ։

Հիմա ընկերությունը նոր գործառույթ է պատրաստում, որի օգնությամբ Google-ի քարտեզներից օգտվողները կարող են հետևել լավագույն մասնագետներին և տեսնել՝ ինչ հաստատություններ են նրանք այցելում և որոնք են խորհուրդ տալիս։ Այս մասին ընկերությունը գրում է իր պաշտոնական բլոգում։

«Հետևել» կոճակը կհայտնվի տեղացի մասնագետի անձնական հաշվի դիմաց։ Փնտրտուքների կայքը վստահ է, որ այս նորամուծությունը կօգնի զբոսաշրջիկներին ավելի հեշտ գտնել անծանոթ քաղաքում սնվելու և տեղական խոհանոցին ծանոթանալու լավագույն վայրերը։

Թեստավորման հստակ ամսաթիվը դեռ հայտնի չէ, բայց Google-ը խոստանում է շատ մոտ ապագայում գործառույթը միացնել 9 քաղաքում։

Հերթական կարևոր արհեստական բանականությունը

Լուիզանայի համալսարանի հետազոտողներ Հիշամ Դաուդը և Մագդի Բայումին ստեղծել են արհեստական բանականությամբ օժտված համակարգ, որը կարողանում է 99,6 տոկոս ճշգրտությամբ կանխատեսել էպիլեպսիկ նոպաները։ Ավելին՝ համակարգը կարողանում է դրանք որոշել ի հայտ գալուց մեկ ժամ առաջ։ Այս մասին տեղեկացնում է IEEE Spectrum պարբերականը։

Մեթոդը տալիս է բավականին մեծ ժամանակ, որպեսզի հասցնեն հատուկ միջոցառումներ ձեռնարկել։ Առողջապահության համաշխարհային կազմակերպության տվյալներով` այս պահի դրությամբ աշխարհում էպիլեպսիա հիվանդություն ունի 50 մլն մարդ, նրանց 70 տոկոսը կարողանում է կառավարել հիվանդությունը դեղերի օգնությամբ։

Արհեստական բանականությամբ օժտված նոր համակարգը կարևոր քայլ է թե՛ բժշկության, թե՛ տեխնոլոգիաների աշխարհներում։

Դեռ հայտնի չէ, թե երբ, բայց հուսով եմ՝ ինչքան հնարավոր է շուտ այս մեթոդը հասանելի կլինի զանգվածային կիրառման համար։ Այս պահի դրությամբ թիմն աշխատում է հատուկ չիպի վրա, որը կարող է օգնել անհրաժեշտ ալգորիթմների մշակման հարցում։

Ford-ը փորձում է հետ չմնալ էլեկտրամեքենաների բիզնեսում

Ford ընկերությունը չի պատրաստվում հետ մնալ իր մրցակիցներից և պաշտոնապես ներկայացրել է իր նոր էլեկտրամեքենան՝ Mustang Mach-E-ն: Քրոսովերն արտաքինից շատ նման է սովորական և մեզ շատ հայտնի Ford Mustang-ին: Այս մասին հայտնում է endgadget-ը։

Ավտոարտադրողն էլեկտրական մեքենայի մի քանի տարբերակ է առաջարկում։ Սովորական կոմպլեկտացիայի գինը 43 895 դոլար է գնահատվել, First Edition տարբերակը, որը մեկ լիցքավորումով կանցնի 434 կմ, արժենալու է 59 900 դոլար, Premium 482 կմ ընթացքի պահեստովը՝ 50 600 դոլար, իսկ GT-ն, ընդամենը 378 ընթացքի պահեստ ունենալով, ձեր գրպանին կխփի 60 500 դոլարի չափով։ Այս մեքենաները վաճառքի դուրս կգան մի քանի երկրներում արդեն հաջորդ տարվա վերջերին։ Եվս երկու տեսակի էլեկտրամեքենա հասանելի կլինեն 2021 թվականի սկզբին։

Էլեկտրական մեքենաները հասանելի կլինեն ամբողջական կամ հետևի շարժակով` կախված սրահի հագեցվածությունից և առկա տարբերակներից: Հետևի շարժակով տարբերակները ստացել են մեկ էլեկտրաշարժիչ, իսկ լիաքարշակ տարբերակները ՝ երկու ուժային կայանքներ: Հզորությունը տատանվելու է 255-ից մինչև 459 ձիաուժ շրջաններում:

Սրահում տեղադրված է դիմանկարային կողմնորոշման մեծ սենսորային էկրան, որը նման է Tesla Model S-ի էկրանին: Բացի սենսորային մուտքագրումից, մեքենայի հետ կարելի է «շփվել» OK Ford ձայնային հրամանով։

թեմա:
Տեխնիկա և նորարարություններ (170)

Ըստ թեմայի

Այ քեզ բան․ հավելվածը «գտնում» է կատարակտը, իսկ տեխնոհսկաները զարմացնում են երկրպագուներին
Մատնաչափիկ խաղալիքը. խաղային ապարատն արդեն կարելի է գրպանում պահել. տեսանյութ
Այ քեզ բան․ Facebook–ը «մերժում» է սմբուկն ու դեղձը, ամերիկացիները շեղում են սմարթֆոնից
Աշխարհի ամենափոքր նոթբուքը «ճանապարհին» է․ տեսանյութ
Tesla–ի մեքենաները սկսել են ճանաչել կոները
թեգերը:
Այ քեզ բան, Զբոսաշրջիկ, Ռեստորան, քարտեզ, էպիլեպսիա, ավտոմեքենա

Գլխավոր թեմաներ