ԵՐԵՎԱՆ, 27 նոյեմբերի– Sputnik. ԱՄՆ Կոլումբիա շրջանի խորհուրդը Հայոց ցեղասպանությունը հաստատող բանաձև է ընդունել, հայտնում է Ամերիկայի հայկական համագումարը։
Այս բանաձևով Կոլումբիա շրջանի խորհուրդը ճանաչում է Հայոց ցեղասպանությունը և նախատեսում կրթության միջոցով Կոլումբիայի շրջանի բնակիչներին իրազեկել այդ ողբերգության մասին:
Ամերիկայի հայկական համագումարը ողջունել է Կոլումբիայի շրջանի խորհրդի ընդունած բանաձևը: Հատկապես ողջունելի է այն հանգամանքը, որ բանաձևում շեշտադրվել է կրթության միջոցով շրջանի բնակչության իրազեկվածության բարձրացումը:
Սարգսյան. «ԱՄՆ-ի հայկական համայնքը փոխել է մարտավարությունը. վետոն շրջանցելու մեխանիզմ կա»
Հիշեցնենք, որ հոկտեմբերի 29-ին ԱՄՆ Կոնգրեսի ներկայացուցիչների պալատը 405 կողմ, 11 դեմ, 3 ձեռնպահ քվեարկությամբ Հայոց ցեղասպանությունը ճանաչող բանաձև է ընդունել: Փաստաթուղթը պետք է քննարկվեր նաև Սենատում, բայց Հանրապետական կուսակցության սենատոր Լինդսի Գրեմը Թուրքիայի նախագահ Ռեջեփ Թայիփ Էրդողանի հետ հանդիպումից հետո օգտվեց բանաձևի վրա վետո դնելու իրավունքից։
Սոլովյովը քննադատել է ԱՄՆ–ին` Սենատում Հայոց ցեղասպանության բանաձևը տապալելու համար
1972-ին հիմնադրված Ամերիկայի հայկական համագումարը Վաշինգտոնում գործող ամենամեծ հայկական կազմակերպությունն է, որը զբաղվում է հայկական հարցերի իրազեկմամբ:
