07:26 14 դեկտեմբերի 2019
Ուղիղ եթեր
  • USD477.51
  • GBP640.53
  • EUR533.90
  • RUB7.66
Թուրքիայի, Սերբիայի, Ադրբեջանի և Ուկրաինայի առաջնորդները

Սկանդալ TANAP-ի բացման ժամանակ․ Հունաստանի պատվիրակությունը լքել է արարողությունը

© REUTERS / Umit Bektas
Աշխարհ
Ստանալ կարճ հղումը
166511

Հունաստանի արտգործնախարարությունը հայտարարություն է տարածել Թուրքիայի նախագահ Ռեջեփ Թայիփ Էրդողանի խոսքերի վերաբերյալ։

ԵՐԵՎԱՆ, 1 դեկտեմբերի — Sputnik. Հունաստանի պատվիրակությունը ՝ էներգետիկայի և շրջակա միջավայրի փոխնախարար Դիմիտրիոս Իկոնոմուի գլխավորությամբ, սկանդալով է հեռացել Տրանսանատոլիական գազատարի (TANAP) բացման արարողությունից՝ Թուրքիայի նախագահ Ռեջեփ Թայիփ Էրդողանի «սադրիչ հայտարարություններին» ի պատասխան: Այս մասին հայտնում է ՌԻԱ Նովոստին` հղում անելով Skai հեռուստաընկերությանը:

Արարողության ժամանակ Էրդողանը հայտարարել էր, որ Թուրքիան չի դադարեցնի ուսումնասիրությունն ու հորատման աշխատանքները Կիպրոսում: Նրա խոսքով՝ Անկարան «գործում է միջազգային իրավասությունների շրջանակում, և այժմ ոչ մի գոռոց և ճիչ չի ստիպի» Թուրքիային հետ վերցնել այն նավերը, որոնք Միջերկրական ծովում զբաղվում են հետախուզությամբ:

«TANAP-ը սկիզբ է առնում թուրք-վրացական սահմանից և թուրքական Էդիրնե նահանգի Իփսալ շրջանում, Հունաստանի սահմանի մոտ, միանում է Անդրադրիատիկ խողովակաշարին (TAP): Ես կոնկրետ թեմայով Հունաստանի կառավարությունից ներկայացուցիչ էի և պատճառ ունեի ներկա լինելու արարողությանը: Այն պահին, երբ Էրդողանը սկսեց խոսել խողովակաշարի բացման հետ կապ չունեցող խնդիրների մասին, այդ թվում` Հունաստանի մասին սադրիչ արտահայտություններ թույլ տալով, պարզ դարձավ, որ պետք է հեռանանք»,- ասել է Իկոնոմուն:

Միջադեպից հետո Հունաստանի ԱԳՆ-ն քննադատել է Էրդողանի հայտարարությունը` նրան անվանելով «տարածաշրջանում միջազգային իրավունքի գլխավոր խախտող»: Աթենքում Թուրքիային մեղադրում են տարածաշրջանում բոլոր ժողովուրդների շահերի կայունությունը խոչընդոտելու, ինչպես նաև բարիդրացիության սկզբունքներին լիարժեք արհամարհանք ցուցաբերելու մեջ:

«Դու սկզբից քո ուղեղը ստուգիր». Էրդողանը վիրավորել է Մակրոնին

«Ցավալի է, որ Թուրքիայի նախագահը որոշել է խաղաղ համագործակցության նախագիծը վերածել ռազմական հռետորաբանության` արհամարհելով միջազգային իրավունքները»,- գրված է Հունաստանի ԱԳՆ հայտարարության մեջ: Նշվում է նաև, որ հունական պատվիրակության հեռանալը բնական հետևանք էր: Հունաստանում հույս են հայտնել, որ Թուրքիայի նախագահը կգիտակցի, որ միջազգային իրավունքը հարգելը պարտականություն է:

Ռուսաստանցի փորձագետը խոսել է Թուրքիայի վրա ԱՄՆ–ի ճնշման մասին

Հիշեցնենք՝ TANAP գազատարի առաջին փուլի գործարկման արարողությունը կայացել է 2018 թվականի հունիսի 12-ին։ Նույն տարվա հունիսի 30-ին սկսվել են TANAP-ով ադրբեջանական գազի կոմերցիոն մատակարարումները։ 2019 թվականի հունիսի 15-ին Շահ Դենիզի հանքի ադրբեջանական գազը TANAP-ով հասել է թուրք-հունական սահման։

Ըստ թեմայի

Որքան վատ են Թուրքիայի և ԱՄՆ–ի հարաբերությունները, այնքան շահում են Երևանը և բոլորը
ԱՄՆ–ի կողմից ուժեղացող ճնշման ֆոնին Թուրքիան սկսել է թեստավորել С-400 -ի ռադարային սարքերը
Հայաստանը կշարունակի մարդասիրական օգնություն ցուցաբերել Սիրիայի ժողովրդին. Փաշինյան
Ռուսական բանակի և հայ ժողովրդի ողբերգությունը. ՌԴ-ում կարդում են գթասրտության քրոջ նոթերը
թեգերը:
Հունաստան, Ռեջեփ Թայիփ Էրդողան, Սկանդալ, Սիրիա

Գլխավոր թեմաներ