ԵՐԵՎԱՆ, 2 հունվարի–Sputnik. ԱՄՆ նախկին պետքարտուղար Հիլարի Քլինթոնը դարձել է բրիտանական Բելֆաստ քաղաքի Քվինսի համալսարանի ռեկտոր։ Այս մասին տեղեկացնում է ՌԻԱ Նովոստին։ Նա պաշտոնը ստանձնել է այս տարվա հունվարի 2-ին և կպաշտոնավարի 5 տարի ժամկետով։ Համալսարանը տարածած հաղորդագրության մեջ նշում է, որ այս պաշտոնում նա առաջին կինն է։
Քլինթոնը և Բուշը. ԱՄՆ երկու նախկին նախագահների հանդիպումը և նվեր գուլպաները
Բուհի պրոռեկտոր Սթիվեն Պրենտերը, խոսելով Քլինթոնի նշանակման մասին` ասել է, որ նա զգալի ներդրում ունի Հյուսիսային Իռլանդիայում և կդառնա համալսարանի շահերի հրաշալի պաշտպան ու ոգեշնչող կերպար համալսարանական ամբողջ համայնքի համար։
ԱՄՆ նախագահի նախկին թեկնածուն էլ իր կողմից նշել է, որ այս նշանակումը մեծ պատիվ է իր համար։ 2018 թվականի հոկտեմբերին Հիլարի Քլինթոնը Քվինսի համալսարանից ստացել էր պատվավոր դոկտորի կոչում։
Հիշեցնենք, որ Հիլարի Քլինթոնը 2019 թվականի մարտին հայտարարել էր, որ չի նախատեսում 2020 թվականին մասնակցել ԱՄՆ նախագահական ընտրություններին։
Մարգարիտա Սիմոնյանն առաջ անցավ Հիլարի Քլինթոնից
«Ես չեմ առաջադրվելու, սակայն կշարունակեմ աշխատել, ասել և պաշտպանել այն, ինչին հավատում եմ», – նշել էր Քլինթոնը։
Նա նաև կասկած էր հայտնել, որ հավակնելու է որևէ այլ պաշտոնի։ Այժմ դեմոկրատները միայն մեկ ուժեղ թեկնածու ունեն` Բեռնի Սանդերսը, որին շատերը մեղադրում են սոցիալիզմի նկատմամբ մեծ սեր տածելու համար։ Ի դեպ, 2016 թվականի նախագահական ընտրություններին նախորդած կուսակցական ընտրություններում (բաց նախնական ընտրություն) հենց Քլինթոնն էր հաղթել նրան։
Ավելի վաղ` 2018 թվականի հոկտեմբերին, Քլինթոնը չէր բացառել, որ 2020 թվականին կրկին առաջադրվելու է ԱՄՆ նախագահի պաշտոնում։
Հիշեցնենք, որ 2016 թվականին Հիլարի Քլինթոնը Դեմոկրատական կուսակցությունից պայքարում էր ԱՄՆ նախագահի պաշտոնի համար, սակայն հաղթանակ տարավ Հանրապետական կուսակցության ներկայացուցիչ Դոնալդ Թրամփը։
