18:45 11 հուլիսի 2020
Ուղիղ եթեր
  • USD486.73
  • GBP613.77
  • EUR549.62
  • RUB6.84
Աշխարհ
Ստանալ կարճ հղումը
Ղասեմ Սոլեյմանիի սպանությունն ու Իրանի և ԱՄՆ–ի հակամարտությունը (42)
55 0 0

ՄԱԿ–ում ԱՄՆ–ի մշտական ներկայացուցիչ Քելի Քրաֆթը նամակ է ուղարկել Անվտանգության խորհուրդ` բացատրելով Մերձավոր Արևելքում Վաշինգտոնի գործողությունները։

ԵՐԵՎԱՆ, 9 հունվարի - Sputnik. Վաշինգտոնը պատրաստ է Թեհրանի հետ առանց նախապայմանների բանակցություններ սկսել` Մերձավոր Արևելքում լարվածությունը մեղմացնելու համար, ասվում է ՄԱԿ–ում ԱՄՆ–ի մշտական ներկայացուցիչ Քելի Քրաֆթի` Անվտանգության խորհրդին հասցեագրված նամակում։

ԱՄՆ–ի և Իրանի միջև հարաբերությունները սրվել են այն բանից հետո, երբ Բաղդադի մոտ սպանվել է իրանական «Ալ Ղոդս» հատուկ ստորաբաժանման հրամանատար Ղասեմ Սոլեյմանին։ Պենտագոնը հաստատել է իր առնչությունն իրանցի գեներալի սպանության հետ։

«Մա՛հ Ամերիկային». Իրանում հրաժեշտ են տալիս գեներալ Ղասեմ Սոլեյմանիին

Ինչպես հաղորդում է Reuters–ը, Քրաֆթը հայտարարել է, որ ԱՄՆ–ի նպատակն «իրանական ռեժիմի կողմից միջազգային խաղաղության և անվտանգության հետագա սպառնալիքը կանխելն է»։

Նրա խոսքով` Սոլեյմանիի սպանությունն արդարացված է ՄԱԿ կանոնադրության 51–րդ հոդվածով, որը պետությանն ինքնապաշտպանվելու իրավունք է տալիս։

«ԱՄՆ–ն պատրաստ է անհրաժեշտության դեպքում լրացուցիչ քայլեր ձեռնարկել տարածաշրջանում, որպեսզի պաշտպանի ամերիկացիներին և իր շահերը»,–ասվում է նամակում։

Ինչպես նշել է Քրաֆթը, 2019թ–ի դեկտեմբերի 29–ին ամերիկացիների ավիահարվածները իրաքյան «Ալ Հաշդ աշ Շաաբի» շիական աշխարհազորին` դարձել են «Իրանի և նրա աջակցությունը վայելող խմբավորումների կողմից հարձակումների պատասխանը»։

Քրաֆթի խոսքով` նպատակն Իրանին հարձակումներ կատարելուց կամ հարձակումներին աջակցելուց հետ պահելն է։

Հիշեցնենք, որ Իսլամական հեղափոխության պահապանների կորպուսը հայտարարել է գեներալ Ղասեմ Սոլեյմանիի սպանության համար ամերիկացիներից վրեժ լուծելու գործողության մեկնարկի մասին։

Իրանն ԱՄՆ-ին դաժան վրեժ է խոստանում Բաղդադում սպանված իրանցի գեներալի համար

Հունվարի 8–ի գիշերը հրթիռակոծվել են Իրաքի տարածքում տեղակայված ամերիկյան ռազմաբազան և ավիաբազան։ Ի պատասխան` ԱՄՆ նախագահ Դոնալդ Թրամփը հայտարարել է, որ Վաշինգտոնը նոր պատժամիջոցներ կսահմանի Թեհրանի դեմ։

թեմա:
Ղասեմ Սոլեյմանիի սպանությունն ու Իրանի և ԱՄՆ–ի հակամարտությունը (42)

Ըստ թեմայի

Մնացականյանն ու դեսպաններն ԱԳՆ–ում քննարկել են Իրանի շուրջ ստեղծած իրավիճակը
Իրանում մարդիկ ցավակցում են իրար. Հայաստանը պետք է պատրաստ լինի նոր սրացումների
Ինչ հետևանքներ կունենա իրանցի գեներալի սպանությունը Հայաստանի ու տարածաշրջանի համար
Որտեղ է սպանվել իրանցի գեներալը. համացանցում լուսանկարներ են հայտնվել
Հրթիռային հարձակման հետևանքով ԱՄՆ–ն մեծ կորուստներ է կրել. իրանական ԶԼՄ–ներ
թեգերը:
Ղասեմ Սոլեյմանի, Իրանի Իսլամական Հանրապետություն, ԱՄՆ

Գլխավոր թեմաներ