14:40 28 հունվարի 2020
Ուղիղ եթեր
  • USD478.87
  • GBP626.79
  • EUR528.43
  • RUB7.75
Աշխարհ
Ստանալ կարճ հղումը
130 0 0

Ենթադրաբար, սկզբում ինքնաթիռի վրա մեկ հրթիռ են արձակել, իսկ 30 վայրկյան անց երկրորդ հարվածն է եղել։

ԵՐԵՎԱՆ, 15 հունվարի — Sputnik. New York Times թերթը տեսանյութ է հրապարակել, որում, ինչպես պնդում են, արձանագրված է այն պահը, երբ Թեհրանի մոտակայքում կործանված ուկրաինական Boeing 737-800–ին երկու հրթիռ են հարվածում, գրում է ՌԻԱ Նովոստին։

Դատելով կադրերից` սկզբում մեկ հրթիռ են արձակում ինքնաթիռի վրա, իսկ 30 վայրկյան անց արձակվում է երկրորդը, ինչից հետո ինքնաթիռը դեռ մոտ մեկ րոպե օդում է մնում, հետո հրդեհվում է ու սկսում ընկնել։

ԶԼՄ–ները պարզել են, որ տեսանյութը YouTube–ում է հրապարակվել հունվարի լույս 14–ի գիշերը, այն հրապարակել է օգտատերը Իրանից։ Տեսանյութը նկարահանվել է Թեհրանի մոտակայքում գտնվող Բիդկան գյուղից ոչ շատ հեռու գտնվող շենքի տանիքում տեղադրված տեսախցիկով։

Ռոհանին խոստացել է դատի տալ Իրանում ուկրաինական ինքնաթիռի կործանման մեղավորներին

Ավելի ուշ «Ռեյթերը», հղում անելով իրանական Fars գործակալությանը, հայտնել է, որ «Իսլամական հեղափոխության պահապանների կորպուսը» (ԻՀՊԿ) ձերբակալել է տեսանյութի հեղինակին։ Իշխանությունը խոստացել է քննություն անցկացնել ու հրապարակել արդյունքները։

Հիշեցնենք` հունվարի 7-ի, լույս 8-ի գիշերը ուկրաինական ավիաընկերությանը պատկանող Boeing 737-800–ը թռիչքից գրեթե անմիջապես հետո կործանվել էր Թեհրանի օդանավակայանի մոտակայքում։ Մահացել էին օդանավում գտնվող բոլոր ուղևորներն ու անձնակազմի անդամները, ընդհանուր` 176 մարդ։ Նույն գիշեր Իրանը հրթիռակոծել էր Իրաքի տարածքում տեղակայված ամերիկյան ռազմաբազան և ավիաբազան։

Հունվարի 11–ին Իրանի ԶՈւ գլխավոր շտաբը խոստովանել է, որ Թեհրանի մոտակայքում կործանված ուկրաինական Boeing-ը պատահաբար է խոցվել մարդկային սխալի պատճառով։ Հայտարարության մեջ նշված է նաև, որ օդանավը խոցել են, որովհետև այն թռել է ռազմական կարևոր օբյեկտի մոտով:

Հրաշքով չի նստել ինքնաթիռ. մանրամասներ Իրանում կործանված ինքնաթիռի ուղևորների մասին

Ըստ թեմայի

Փրկարարներն աշխատում են ուկրաինական ինքնաթիռի կործանման վայրում. տեսանյութ
Իրանում ուկրաինական ինքնաթիռի խոցման գործով կան ձերբակալվածներ
Ինքնաթիռը կործանելու խոստովանությունից հետո Ռոհանին հայտարարություն է արել
Հասան Ռոհանին ինքնաթիռի կործանման թեման քննարկել է Զելենսկու հետ
թեգերը:
Հասան Ռոհանի, Թեհրան, Ուկրաինա, Boeing 737, ավիավթար, վթար, Իրանի Իսլամական Հանրապետություն

Գլխավոր թեմաներ