05:37 23 փետրվարի 2020
Ուղիղ եթեր
  • USD478.35
  • GBP617.79
  • EUR517.05
  • RUB7.43
Աշխարհ
Ստանալ կարճ հղումը
42610

Նման ստորաբաժանման գոյության մասին հիշելու առիթ է դարձել Հրանտ Դինքի սպանության տարելիցը։

ԵՐԵՎԱՆ, 22 հունվարի — Sputnik. Քրդական ԶԼՄ–ներում կրկին տեղեկություններ են հայտնվել «Հայկական գումարտակի» մասին։

Այս անգամ առիթ է դարձել Թուրքիայում «Ակոս» թերթի խմբագիր Հրանտ Դինքի սպանության տարելիցը, որը լրանում էր հունվարի 19–ին։ ԶԼՄ–ների հաղորդմամբ` գումարտակում անցկացվել է սգո արարողություն, հարգել են ոչ միայն Դինքի, այլ նաև քուրդ ակտիվիստներ Սաքինե Ջանսիզի, Ֆիդան Դողանի և Լեյլա Շայլեմեզի հիշատակը (սպանվել են Փարիզում)։

Նուբար Օզանյանի անվան գումարտակի հրամանատար Նուբար Մելենյանը ելույթ է ունեցել հայերենով և քրդերերով։

«Մեր ընկեր Հրանտ Դինքը հեղափոխական էր։ Նա փորձում էր լույս սփռել ճշմարտության վրա` թաքնված զանգվածային սպանությունների հետևում։ Չնայած թուրքական պետության բոլոր սպառնալիքներին, նա երբեք չէր հանձնվում։ Թուրքական պետությունը Փարիզում սպանել է կին քաղաքական գործիչներ Սաքինե Ջանսիզին, Լեյլա Շայլեմեզին և Ֆիդան Դողանին։ Մեր ընկերները գիտեին, որ անհնար է ձեռք բերել ազատություն, եթե դրա համար չվճարել բարձր գին։ Մեր հեղափոխական ընկերները երբեք չեն խոնարհվել ֆաշիզմի առաջ։ Մենք նվիրում ենք մեզ նրանց գործին»,– նրա հայտարարությունը հրապարակել են քրդական ԶԼՄ–ները։

Բաշար Ալ–Ասադի անունից սիրիահայերին շնորհավորել են սուրբծննդյան տոնի կապակցությամբ

Այսպես կոչված «Հայկական գումարտակի» և դրան վերաբերող բազմաթիվ հարցերի մասին ընթերցեք Sputnik Արմենիայի նախորդ նյութը։

Հոկտեմբերի կեսին քրդական ԶԼՄ–ներում (այնուհետև տարածվել է հայկական ԶԼՄ–ներում) տեղեկություններ էին հայտնվել, որ սիրիահայերի կամավորական ջոկատը, որը կրում է Նուբար Օզանյանի անունը, կմիանա թուրքական ագրեսիայի դեմ քրդերի պայքարին։

Ըստ թեմայի

Պետրոսյան. «Թուրքոմանական խմբավորումները Սիրիայում կտեղափոխվեն այլ հատվածներ»
Սիրիական բանակի ՀՕՊ ուժերը հետ են մղել Դամասկոսի ուղղությամբ հրթիռային հարձակումը
Չաքրյան. «Էրդողանն ուզում էր տապալել Սիրիայի իշխանությունը»
թեգերը:
քուրդ, Սիրիա, Հրանտ Դինք, Հայկական գումարտակ

Գլխավոր թեմաներ