ԵՐԵՎԱՆ, 23 հունվարի — Sputnik. Չինաստանում մահացու կորոնավիրուսով վարակվածների համար շրջիկ մեկուսարաններ են տեղադրվել։ Մոբիլ «կլինիկաների» կադրերը հայտնվել են «Չինական սպառնալիք» Telegram ալիքում։
Չինական վիրուսը Հայաստան դեռ չի եկել. Արսեն Թորոսյանը պատասխանեց մտահոգություններին
Տեսանյութում հատուկ պաշտպանիչ համազգեստով օդանավակայանի աշխատակիցները շենքի պատուհաններից ու դռնից դուրս են բերում դեղին խցիկը։
Հիշեցնենք, որ հունվարին Չինաստանի ափամերձ քաղաքներից մեկում նոր կորոնավիրուս էր հայտնաբերվել, որն արտահայտվում է թոքաբորբով, այն մարդուց մարդ է փոխանցվում։ Հիվանդության հիմնական ախտանիշներն են ջերմությունը, հոգնածությունը, խորխով հազը։
Վերջին տվյալներով` չինական 2019-nCoV կորոնավիրուսից մահացածների թիվը հասել է 17–ի։ Ընդհանուր առմամբ վարակման շուրջ 455 դեպք է գրանցվել, մեծամասնությունը` Ուհան քաղաքում։
