ԵՐԵՎԱՆ, 29 հունվարի - Sputnik. Չինաստանում կորոնավիրուսի նոր տեսակի հետևանքով առաջացած թոքաբորբով հիվանդացածների ընդհանուր թիվը հասել է 5974–ի, նրանցից 132–ը մահացել է, ասվում է ՉԺՀ առողջապահության հարցերով պետական հանձնաժողովի հաղորդագրության մեջ։
Մեկ օր առաջ պաշտոնապես հաղորդվել էր 4515 վարակվածի և 106 մահացածի մասին։
Մեկ օրում իշխանությունները տեղեկություններ են ստացել հիվանդության 1459 հաստատված դեպքերի մասին, ինչպես նաև արձանագրել է 26 մահացու դեպք (25–ը` Հուբեյ նահանգում, մեկը` Հենան)։ Մեկ օրում հիվանդանոցներից դուրս է գրվել 43 մարդ։
Չինաստանի Ուհան քաղաքում 3 ՀՀ քաղաքացի կա. դեսպանությունը կապի մեջ է նրանց հետ
«Հունվարի 28–ի կեսգիշերի դրությամբ` առողջապահության հարցերով պետական հանձնաժողովը 31 նահանգներից տեղեկություն է ստացել թոքաբորբով վարակվելու 5974 հաստատված դեպքերի մասին։ Նրանցից 1239–ը ծանր վիճակում է, 132–ը մահացել է, 103 մարդ դուրս է գրվել հիվանդանոցներից»,– նշված է հաղորդագրության մեջ։
Հոնկոնգում և Թայվանում բացահայտվել է վարակի ութական, Մակաոյում` յոթ դեպք։
Ջերմաչափում և արտաքին զննում. կորոնավիրուսի ներթափանցումը Հայաստան պետք է բացառել
Բացի դրանից, կասկածներ կան, որ գրանցված ևս 9239 դեպքերը կապված են կորոնավիրուսի նոր տեսակի հետ։ Ներկա պահին 59 990 մարդ, որոնք սերտ կապ են ունեցել հիվանդների հետ, գտնվում են հսկողության տակ։
