ԵՐԵՎԱՆ, 1 փետրվարի — Sputnik. Դալայ լաման Չինաստանից իր հետևորդներին պատմել է, որ Թարայի մանտրաներն ընթերցելը կօգնի կորոնավիրուսի համաճարակի դեմ պայքարում։ Նա խորհուրդ է տվել բուդդայականներին հնարավորինս հաճախ այն արտասանել, հայտնում է «Պահպանենք Տիբեթը» հիմնադրամը։
Ռուսաստանում կորոնավիրուսով վարակվելու երկու դեպք են արձանագրել
«Նորին սրբությունն ասել է, որ Թարայի մանտրաներն ընթերցելը (բառերի և հնչյունների որոշակի հետևողական շարք, որոնց արտասանությունը, ըստ բուդդայականների, բարենպաստ ազդեցություն է ունենում մարդու վրա,- խմբ.) կարող է համաճարակի դեմ պայքարի եղանակներից մեկը լինել։ Նորին սրբությունը կիսվել է նման մանտրայի ընթերցանության` իր ձայնային հաղորդագրությամբ և խորհուրդ տվել այն հնարավորինս հաճախ արտասանել»,–նշել են հիմնադրամում` կից ներկայացնելով soundcloud.com կայքում տեղադրված ձայնագրությունը։
Շիրակում «աչքի տակ» են պահում վերջերս Չինաստանից ժամանած 7 քաղաքացուն
Չինաստանի իշխանությունը 2019 թվականի դեկտեմբերի 31-ին Առողջապահության համաշխարհային կազմակերպությանը հայտնեց Ուհան քաղաքում բռնկված անհայտ վիրուսի մասին։ Մասնագետները պարզեցին հիվանդության հարուցիչը, այն է` 2019-nCoV կորոնավիրուս։
Չինաստանում նոր վիրուսի զոհ է դարձել 259 մարդ, վարակվել է շուրջ 12 հազարը։ Ամբողջ աշխարհով միջոցներ են ձեռնարկվում վարակի տարածումը կանխելու համար։
