21:30 09 ապրիլի 2020
Ուղիղ եթեր
  • USD493.10
  • GBP612.97
  • EUR536.59
  • RUB6.66
Աշխարհ
Ստանալ կարճ հղումը
Կորոնավիրուսը Չինաստանում և աշխարհում (516)
105 0 0

Ռուսաստանի Օդատիեզերական ուժերի ինքնաթիռները մեկնել են Չինաստան` քաղաքացիներին տարհանելու համար։

ԵՐԵՎԱՆ, 4 փետրվարի — Sputnik. Ռուսաստանը Չինաստանի Հուբեյ նահանգից տարհանում է ոչ միայն իր, այլ նաև ԱՊՀ երկրների` Հայաստանի, Բելառուսի, Ղազախստանի քաղաքացիներին։ Տեղեկությունը հայտնում է ՌԻԱ Նովոստին` հղում անելով Չինաստանում Ռուսաստանի դեսպան Անդրեյ Դենիսովին։ Դեսպանը տեղեկացրել է, որ ԱՊՀ երկրների ոչ բոլոր քաղաքացիներին են տարհանում։

«Այստեղ խնդիրը ոչ թե մեր ցանկությունն է, այլ մեր հնարավորությունները։ Ցավոք, ոչ բոլորին են տարհանում, քանի որ պարզապես չեն տեղավորվում (ինքնաթիռում. խմբ)», – ասել է դեսպանը:

Քաղաքացիներին տարհանելու համար երեքշաբթի` հունվարի 4–ին, Ռուսաստանի Օդատիեզերական ուժերի երկու ինքնաթիռներ թռել են Չինաստան։ Ինքնաթիռում եղել են ռազմական բժիշկներ և Ռուսաստանի ՊՆ մասնագետներ` ախտորոշման, անհատական պաշտպանության ժամանակակից միջոցներով, ինչպես նաև անհրաժեշտ դեղամիջոցներով։

Տարհանման համար օդատիեզերական ուժերի ինքնաթիռները ներգրավելու մասին հրաման է տվել նախագահ Վլադիմիր Պուտինը։

Հիշեցնենք, որ ավելի վաղ Հայաստանի երկու քաղաքացիներին տարհանել էին Չինաստանից։

Հայաստանում մարդկանց մոտ խուճապ կա. որ դեպքում են կորոնավիրուսի ախտորոշման թեստ անցկացնում

Հիշեցնենք, որ վերջին տվյալների համաձայն` Չինաստանում կորոնավիրուսով վարակվածների ընդհանուր թիվը հասել է 20 հազար 438–ի, մահացել է 425 մարդ։ Մեկ օր առաջ պաշտոնապես հայտարարվել էր 17 205 հիվանդի և 361 մահացածի մասին։

Ավելի վաղ առողջապահության նախարար Արսեն Թորոսյանը հայտնել էր, որ փետրվարի 2-ին Հայաստան են բերվել կորոնավիրուսի ախտորոշման 200 լաբորատոր թեստեր, որոնք ՌԴ–ն մեր երկրին տրամադրել է անվճար։ Թեստը ստանալուց հետո Հայաստանում անցկացվել է կորոնավիրուսի վեց հետազոտություն. փետրվարի 4-ի դրությամբ երկրում վարակի դեպք չի գրանցվել։

Փորձարկվել է առաջին թեստը. Հայաստանում կորոնավիրուս բուժելը հնարավո՞ր է

թեմա:
Կորոնավիրուսը Չինաստանում և աշխարհում (516)

Ըստ թեմայի

Նազենի Հովհաննիսյանը դիմակով լուսանկար է հրապարակել, որն աղերս չունի գեղեցկության հետ
Պաշտպանիչ դիմակները նոր թրենդ են դարձել. լուսանկարներ
Երևանի հիվանդանոցներից մեկում գտնվող չինացիների մոտ կորոնավիրուսին բնորոշ ախտանշան չկա
Հայերը պատճառ ունե՞ն վախենալու. կորոնավիրուսն ու ազգերի գենետիկ առանձնահատկությունները
Ինչպես պայքարել կորոնավիրուսի դեմ. Դալայ լաման իր մեթոդն է առաջարկել
թեգերը:
Ռուսաստան, կորոնավիրուս, Չինաստան

Գլխավոր թեմաներ