03:29 03 հունիսի 2020
Ուղիղ եթեր
  • USD482.49
  • GBP606.25
  • EUR539.28
  • RUB7.02
Աշխարհ
Ստանալ կարճ հղումը
51720

Իսրայելահայ հեղինակ Ափօ Սահակեանը նոր հնչեղություն է տալիս հայկական ժողովրդական երգերին, ստիպում է տեսնել դրանց իրական գեղեցկությունը, զգալ ներդաշնակությունն ու ամբողջականությունը։

Լիլիթ Հարությունյան, Sputnik Արմենիա

Իսրայելահայ երաժիշտ Ափօ Սահակեանի մեղեդիներն ասես գալիս են հայոց դարավոր պատմության խորքերից։ Դրանց մեջ ամփոփված է հայ ժողովրդի տխրությունը և  ուրախությունը, իմաստությունն ու անսպառ լավատեսությունը։ Սահակեանի երաժշտությունը միաժամանակ արխաիկ ու թարմ է, գեղեցկությունը` ավելորդությունների բացակայության մեջ։

Ափօ Սահակեանն իր առաքելությունը տեսնում է հայկական ժողովրդական երգերը, դրանց իսկական հնչողությունը պահպանելու և այն սերնդներին փոխանցելու մեջ։

Армяно-израильский музыкант Апо Саагян
© Photo : Provided by Apo Sahagian
Իսրայելահայ երաժիշտ Ափօ Սահակեան

Նա ծնվել ու մեծացել է Երուսաղեմի հայկական թաղամասում։ 13 տարեկանում Ափօն առաջին անգամ է կիթառ վերցրել ձեռքը։ Հարցին, թե ինչու՞ հենց ժողովրդական երաժշտությունը, պատասխանում է. «Չեմ կարող հստակ ասել...Միշտ սիրել եմ հայկական ժողովրդական երգերն ու զգացել եմ, որ ժամանակակից կատարողները բավականին լավ չեն ներկայացնում դրանք։ Այդ պատճառով որոշեցի սեփական մեկնաբանությունս տալ»։

Ռուզան Մանթաշյանի չկայացած ելույթը. Ազգային ժողովը նամակ կհղի Բունդեսթագին

Ափօն ոչ միան վերամշակում է ժողովրդական երգերը, այլև իր սեփական երգերն է գրում նույն ոճով։ Դրանց մեջ նյարդայնացնող արևելյան մեղեդիների խառնուրդ չկա, երգերը գրված են մաքուր ու գեղեցիկ հայերենով։ Նա էլ դրանք կատարում է իր հանգիստ, թավ ձայնով։

Սակայն Ափօն միայն հայերեն չի գրում։ Նա կատարումներ ունի նաև եբրայերենով, անգլերենով ու արաբերենով։ Երաժիշտը հիմնականում այդ երգերը կատարում է իր Apo & the Apostles խմբի հետ։

Երևանում հաշմանդամի սայլակին նստած տղամարդը երգում է «Չունի աշխարհը քեզ նման» երգը

Հիմա Ափօն երկու տեսահոլովակ է նկարահանում։ Առաջինն արաբերեն երգի համար է, նա այն կներկայացնի խմբի հետ, երկրորդը` հայերեն նոր սոլո–կատարման։

Նշենք, որ Ափօ Սահակեանը երկու անգամ` 2014 ու 2019 թվականներին համերգ է տվել Հայաստանում։

«Առաջինը լավ չեմ հիշում, երևի` այդքան տպավորիչ չէր։ Իսկ վերջինը շատ լավ անցավ, կարծում եմ` մոտ ապագայում արժե ևս մեկ համերգ կազմակերպել», – Sputnik Արմենիայի հետ զրույցում ասում է նա։

Ափօն գրեթե ամեն տարի հայրենիք է գալիս, ամեն դեպքում` 2006 թվականից սկսած հաստատ այդպես է։ Հաճախ դրանք չպլանավորած, հանկարծակի ուղևորություններ են։ Երաժիշտը խոստովանում է, որ դժվար է հայրենիքից հեռու ապրելը։

«Շատ ուրախ եմ, որ հայ եմ։ Գնահատում եմ այդ փաստը բոլոր դրական ու բացասական կողմերով։ Սփյուռքահայի կյանքը, հատկապես` Երուսաղեմում, իր բարդություններն ունի։ Անընդհատ փորձում ես գտնել պատասխանը` ո՞րն է քո տունը` Երուսաղեմը, թե՞ Հայաստանը։ Եթե հայկական թաղամասը Հայաստանի մի մասն է, ապա ի՞նչ դերակատարություն ունեն այստեղ ապրողները։ Պետք է աշխատես հայկական թաղամասի, թե՞ Հայաստանի բարգավաճման համար։

Օտար երկրում երաժշտությամբ զբաղվելու հարցում, Ափօյի խոսքով, առանձնապես բարդություններ չկան։

«Ես ծնվել, ապրում ու դեռ ապրելու եմ Հին Երուսաղեմի հայկական թաղամասում։ Իսրայելի հասարակությունը մեծ հետաքրքրություն է դրսևորում տարբեր մշակույթների հանդեպ, այնպես որ ինձ համար շատ հաճելի է հայկական երաժշտությունը ներկայացնել այլ ազգերին»։

Հարցին, թե երբ է նա Երևանում համերգ տալու, երաժիշտն ասեց, որ չի կարող հստակ օր նշել, բայց դա կլինի մոտ ապագայում, քանի որ ցանկությունը շատ մեծ է։

Ըստ թեմայի

Պատանի հայը զարմացրել է Լարա Ֆաբիանին ֆրանսիական «Ձայնը» շոուում. տեսանյութ
«Նա գնաց Երևան, բայց սիրտը մնաց այստեղ». տան պատմությունը, որտեղ ապրել է Փարաջանովը
«Բախտաշենը ո՞ր կողմն է». Նորքի տուն-ինտերնատի բնակիչները կպատմեն իրենց «Մոռացված հեքիաթը»
թեգերը:
Ափօ Սահակեան (Իսրայելահայ երաժիշտ), երգիչ, Երուսաղեմ, երգ

Գլխավոր թեմաներ