ԵՐԵՎԱՆ, 13 փետրվարի — Sputnik. Իսպանական «Ռեալ Մադրիդ» ֆուտբոլային ակումբի գլխավոր մարզիչ Զինեդին Զիդանը Մադրիդում վթարի է ենթարկվել։ ESPN սպորտային պարբերականը հայտնում է, որ ՃՏՊ-ից անմիջապես հետո նրան խնդրել են սելֆի անել։
Մարզիչն ուղևորվում էր Վալդեբեբաս, որտեղ գտնվում է «Ռեալ Մադրիդի» բազան։ Նրա մեքենան բախվել է մադրիդցի Իգնասիո Ֆերնանդեսի մեքենային։
Ֆերնանդեսը դուրս է եկել մեքենայից ու շատ է զարմացել, երբ տեսել է, որ մյուս մեքենայի ղեկին Զինեդին Զիդանն է։ Նա պահը չի կորցրել ու խնդրել է Զիդանին սելֆի անել իր հետ։
La Voz de Galicia թերթի հետ զրույցում Ֆերնանդեսն ասել է, որ Զիդանը շատ բարեհամբույր էր իր հետ։
«Միանգամից ճանաչեցի նրան։ Առաջինը, ինչ ասացի նրան, այն էր, որ կուզենայի այլ հանգամանքներում հանդիպել իր հետ, բայց այդպես էլ վատ չէր։ Խնդրեցի սելֆի անել, որովհետև մարդիկ չէին հավատա, որ ինքը՝ Զիդանն է հարվածել մեքենայիս։ Նա շատ բարի գտնվեց ու համաձայնեց»,-ասել է Ֆերնանդեսը։
Նրա խոսքով՝ ինքն առաջարկել է ֆուտբոլի աստղին կիսել ծախսը, սակայն Զիդանը չի համաձայնել։ Ֆերնանդեսն ասել է նաև, որ Զիդանի գործակալը զանգահարել է իրեն ու շնորհակալություն հայտնել, որ նա «Ռեալի» մարզչից ստորագրություններ, շապիկներ ու տոմսեր չի խնդրել, քանի որ ֆրանսիացին մարզման էր շտապում։
Զիդանն իր նոր պայմանագրի հարցն արդեն լուծված է համարում
Հիշեցնենք՝ Զիդանը կրկին գլխավորել է թիմը նախորդ տարվա մարտին։ 2016-ից 2018 թվականներին «Ռեալ Մադրիդը» նրա գլխավորությամբ երեք անգամ հաղթել է Չեմպիոնների լիգայում ու մեկ անգամ Իսպանիայի չեմպիոն է դարձել։
