ԵՐԵՎԱՆ, 21 փետրվարի — Sputnik. ՌԻԱ Նովոստին, հղում անելով Չինաստանի առողջապահության պետական կոմիտեին, հայտնում է, որ Չինաստանում կորոնավիրուսի զոհերի թիվը հասել է 2236-ի։
Նշվում է, որ վարակվածության հաստատված դեպքերն անցել են 75,4 հազարի ցուցանիշը։ Միայն վերջին օրվա ընթացքում հիվանդության 889 դեպք է բացահայտվել։
Աղբյուրի համաձայն` 18 264 մարդ ապաքինվել են, նրանց արդեն դուրս են գրել հիվանդանոցից։
2019 թվականի դեկտեմբերի 31-ին Չինաստանի իշխանությունները ԱՀԿ-ին հայտնել էին չինական Ուհան քաղաքում անհայտ թոքաբորբի բռնկման մասին: Մասնագետները պարզել են, որ հիվանդության հարուցիչը Կորոնավիրուսն է` 2019-nCoV։
Մեղրիի անցակետում հսկողությունը կուժեղացվի. Իրանում կորոնավիրուսով վարակվածները 5-ն են
Բժիշկների խոսքով ՝ կորոնավիրուսին բնորոշ են այնպիսի ախտանշաններ, ինչպիսիք են մրսածությունը, հազը, կոկորդի ցավը և կրծքավանդակում սեղմման զգացումը: Ռիսկի գոտում են թույլ իմունային համակարգ ունեցող մարդիկ, երեխաներն ու տարեցները։