ԵՐԵՎԱՆ, 28 փետրվարի — Sputnik. Չինաստանի առողջապահության պետական կոմիտեն հայտնում է, որ նոր COVID-2019 տեսակի կորոնավիրուսով վարակվածների մոտ 46%–ը Չինաստանում ապաքինվել ու դուրս են գրվել հիվանդանոցից։
ԱԳՆ-ն կորոնավիրուսի հետ կապված հայտարարություն է տարածել
Վերջին տվյալների համաձայն` վարակվածների թիվը Չինաստանում 78 824–ի է հասել, նրանցից 36 117 (45,8%) մարդ ապաքինվել են։ Այս պահին 39 919 մարդ դեռ հիվանդանոցում են։
Հուբեյ նահանգը չհաշված` Չինաստանում ընդհանուր առմամբ վարակվածության 12 910 դեպք է գրանցվել, դրանցից 106–ը` մահվան ելքով։ Մահացությունը 0,8% է կազմում։
Համաճարակի օջախում` Հուբեյում, վարակման 65 914 դեպք է գրանցվել, վարակվածներից 2682 –ը մահացել են։ Մահացությունը 4% է կազմում։
Համաճարակային իրավիճակը Չինաստանում լավանում է. վերջին օրվա ընթացքում վարակման 327 դեպք է բացահայտվել։ Հուբեյի սահմաններից դուրս վարակման ընդամենը տասը դեպք է գրանցվել։ Առաջին անգամ դուրս գրված պացիենտների թիվն անցել է երեք հազարը։ Նախորդ օրվա ընթացքում 44 մահվան դեպք է գրանցվել, դրանցից 41–ը` Հուբեյում։
Կորոնավիրուսը հասավ Վրաստան. մեր հարևան երկրում վարակի առաջին դեպքն է հաստատվել
Հիվանդությունը Չինաստանում ընդհանուր առմամբ 2788 մարդու կյանք է խլել։
Չինաստանի իշխանությունը Ուհան քաղաքում անհայտ ծագման թոքաբորբի բռնկման մասին Առողջապահության համաշխարհային կազմակերպությանը (ԱՀԿ) տեղեկացրել էր 2019 թվականի դեկտեմբերի 31-ին։ Մասնագետները պարզել են, որ հիվանդության հարուցիչը կորոնավիրուսն է։ ԱՀԿ–ն միջազգային նշանակության արտակարգ իրավիճակ է հայտարարել և հիվանդությանը տվել COVID-2019 պաշտոնական անվանումը։
Իրանից Հայաստան, այնուհետև Վրաստան. կարո՞ղ է արդյոք կորոնավիրուսը «գալ» բեռնատարով
