06:39 24 հունվարի 2021
Ուղիղ եթեր
  • USD518.44
  • GBP708.34
  • EUR631.10
  • RUB6.95
Աշխարհ
Ստանալ կարճ հղումը
Կորոնավիրուսը աշխարհում (973)
504 0 0

Հռոմում գտնվող ՀՀ քաղաքացիներից մեկը Sputnik Արմենիային պատմել է կորոնավիրուսի պատճառով Իտալիայում կարանտին հայտարարելուց հետո քաղաքում տիրող իրավիճակի մասին։

ԵՐԵՎԱՆ, 11 մարտի — Sputnik. Կորոնավիրուսի պատճառով Իտալիայում խուճապ է, մարդիկ դուրս են գալիս միայն սննդամթերք գնելու համար կամ խիստ անհրաժեշտության դեպքում։ «Կարմիր գոտի» և կարանտին հայտարարելուց հետո Հռոմում կյանքը կանգ է առել։ Տեղեկությունը Sputnik Արմենիա ռադիոկայանի եթերում հայտնեց Իտալիայում գտնվող մեր հայրենակիցներից մեկը։

Իտալիայից ժամանածները բողոքում են, որ «Զվարթնոցում» ամենախիստ հսկողությունն է իրականացվում

Կորոնավիրուսից մահանալու դեպքերի թվով Իտալիան առաջին երկիրն է։ Մարտի 9-ին կարանտին է հայտարարվել, և երկիրը հայտնվել է կարանտինի «կարմիր գոտում», որի դեպքում տեղաշարժը սահմանափակվում է ոչ միայն Իտալիա ժամանողների և մեկնողների համար, այլև երկրի ներսում։

«Հռոմը կարծես մեռել է. մեքենաներ, մարդիկ փողոցում գրեթե չկան։ Դրսում անցորդներին կարելի է մատների վրա հաշվել, բացի այդ նրանք բոլորը դիմակներով և ձեռնոցներով են։ Քաղաքի բնակիչները նաև պարտադիր դիստանցիա են պահում։ Ամեն ինչից վախենում են, ոչ մի բանի չեն դիպչում», – պատմեց մեր զրուցակիցը` նկարագրելով Իտալիայի մայրաքաղաքում տիրող իրավիճակը։

Նրա խոսքով` սուպերմարկետների առաջ հաճախ հերթեր են գոյանում, քանի որ մարդկանց մեկ–մեկ են ներս են թողնում։ Մյուս խանութները, թանգարանները փակ են անորոշ ժամկետով։

Sputnik Արմենիայի զրուցակիցը Իտալիա է գնացել փետրվարի 29-ին և մտադիր էր վերադառնալ մարտի 14-ին։ Սակայն ավիաչվերթերը չեղարկվել են, և նա չգիտի` ինչպես և երբ կկարողանա Երևան վերադառնալ։

«Արդեն դիմել եմ Իտալիայում Հայաստանի դեսպանությանը։ Այնտեղից ասացին, որ հենց այդ հարցով որոշում կայացվի, իմ և մյուս քաղաքացիների հետ կապ կհաստատեն», – պարզաբանեց նա։

Ավելի վաղ Իտալիայում ՀՀ դեսպանատունը հայտնել էր, որ տվյալներ է հավաքում այնտեղ գտնվող ՀՀ քաղաքացիների մասին` նրանց վերադարձը կազմակերպելու համար։

Դիվանագիտական առաքելության ներկայացուցիչները խնդրում են քաղաքացիներին կարճ ժամկետում ներկայացնել փաստաթղթերի պատճենները (հայկական անձնագրի, մուտքի վիզայի կամ կեցության թույլտվությունը), կոնտակտային տվյալներն ու Իտալիայում իրենց գտնվելու նպատակը, հեռախոսահամարը, էլեկտրոնային հասցեն և Իտալիայում կեցության հասցեն։

Վերջին տվյալներով` աշխարհում կորոնավիրուսից մահացել է 4284 մարդ, վարակվածների ընդհանուր թիվը 119 120 է։ Միայն Իտալիայում 10149 վարակված կա, մահացել են 631-ը։

Վրաստանում 12 տարեկան երեխա է վարակվել կորոնավիրուսով

Նշենք, որ այսօր` մարտի 11–ին ՀՀ վարչապետ Նիկոլ Փաշինյանը հայտարարեց, որ Հայաստանում կորոնավիրուսի երեք նոր դեպք է բացահայտվել։ Երկուսը ՀՀ քաղաքացի են, (45 և 27 տարեկան) մեկը՝ Իտալիայի (51 տարեկան), որն աշխատում Է Հայաստանում։ Երեքն էլ ժամանել են Իտալիայից:

թեմա:
Կորոնավիրուսը աշխարհում (973)

Ըստ թեմայի

Կորոնավիրուսը «չհաղթեց» Ծաղկաձորին. ինչ իրավիճակ է զբոսաշրջային կենտրոնում
Աշխարհում կորոնավիրուսի զոհերի թիվն աճում է. նոր թվեր
Google ընկերությունը կորոնավիրուսի պատճառով խորհուրդ է տվել իր աշխատակիցներին տնից աշխատել
թեգերը:
Հռոմ, կորոնավիրուս, Իտալիա, հայ

Գլխավոր թեմաներ