ԵՐԵՎԱՆ, 15 մարտի – Sputnik. Ըստ South China Morning Post-ի վիճակագրության՝ նոր տեսակի կորոնավիրուսով վարակման դեպքերի թիվն աշխարհում համաճարակի սկզբից մինչև օրս կազմել է 152 909։
360tv.ru կայքը գրում է, որ վարակվածների կեսը (մոտ 72,5 հազար մարդ) առողջացել է, մահացածների թիվը հասել է 5801-ի։
Չինաստանում վերջին քսանչորս ժամում հայտնաբերվել է վարակման 20 նոր դեպք, մահացել է 10 մարդ։ Այդ երկրում հիվանդների ընդհանուր թիվը կազմում է 80844, որոնցից 66,9 հազարը ապաքինվել է(վարակվածնեի գրեթե 83%-ը), մահացել է 3199 մարդ։
Իտալիայում COVID-19-ով վարակվել է 21157 հոգի, մահացել է 1141-ը։
Ֆրանսիայում վարակվածների թիվը հասել է 4,5 հազարի, մահացել է 91 մարդ։ Իրանում 12,7 հազար մարդ է վարակվել՝ 611 մահվան ելքով։
ԱՄՆ-ում հաստատված է վարակման 2655 դեպք, 56 մարդ մահացել է։ Մեկ օրում վարակվել է ավելի քանի 600 մարդ։ Հայաստանում կորոնավիրուսով վարակվածների թիվը 20 է։
Նշենք, որ Հայաստանում վարակման վերջին մի քանի դեպքերը տեղի են ունեցել Էջմիածնում աղմկահարույց նշանադրությունից հետո, երբ Իտալիայից ժամանած բնակչուհին հրաժարվել է տնային ինքնամեկուսացումից՝ չնայած պատասխանատու մարմինների հոդորներին, որի հետևանքով հանդիսության մի քանի տասնյակ մասնակիցներ այժմ կարանտինի մեջ են։
Ռուսաստանում մեկ օրում կորոնավիրուս է հայտնաբերվել 14 մարդու մոտ, վարակվածների ընդհանուր թիվը հասել է 59-ի։
