03:15 23 հոկտեմբերի 2020
Ուղիղ եթեր
  • USD494.31
  • GBP647.00
  • EUR584.77
  • RUB6.42
Աշխարհ
Ստանալ կարճ հղումը
256 0 0

Առողջապահության համաշխարհային կազմակերպության (ԱՀԿ) ղեկավար Թեդրոս Ադանոմ Գեբրեիսուսը դիմել է մարդկանց և կորոնավիրուսի համավարակի թեմայով մի քանի կարևոր խորհուրդներ տվել։

ԵՐԵՎԱՆ, 21 մարտի – Sputnik. Առողջապահության համաշխարհային կազմակերպության (ԱՀԿ) ղեկավար Թեդրոս Ադանոմ Գեբրեիսուսը ուղերձ է հղել երիտասարդներին և կոչ արել սահմանափակել շփման շրջանակը, քանի որ դրա հետևանքով COVID-19–ը կարող է փոխանցվել մեծահասակներին։

«Չկարծեք, թե դուք խոցելի չեք կորոնավիրուսի հանդեպ։ Թեև տարեցները մյուսներից ավելի խոցելի են, բայց երիտասարդները ևս իմունիտետ չունեն այդ վիրուսի նկատմամբ։ Ես ուղերձ ունեմ երիտասարդներին։ Դուք այդ վիրուսի պատճառով կարող եք մեկ շաբաթով հիվանդանոցում հայտնվել կամ նույնիսկ մահանալ դրանից: Նույնիսկ եթե դուք չհիվանդանաք, ձեր` ինչ–որ տեղ գնալու որոշումը կարող է կյանքի ու մահվան հարց դառնալ մեկ ուրիշի համար», – ասել է Գեբրեիսուսը։

Նա ամբողջ աշխարհի մարդկանց հորդորել է հրաժարվել վատ սովորություններից COVID-19 կորոնավիրուսի համավարակը բարեհաջող հաղթահարելու համար։

«Այս բարդ ժամանակահատվածում շատ կարևոր է շարունակել հոգ տանել սեփական ֆիզիկական և հոգեկան առողջության մասին։ Դա ոչ միայն կօգնի ձեզ երկարաժամկետ հեռանկարում, այլև կօգնի հաղթահարել COVID-19–ը, եթե արդեն վարակվել եք», – հայտարարել է Գեբրեիսուսը։

Ինչպե՞ս են անցկացնում ժամանակը կորոնավիրուսով վարակված աշակերտի մեկուսացած դասընկերները

Նախևառաջ, ԱՀԿ ղեկավարի խոսքով, պետք է հրաժարվել ծխելուց և ոգելից խմիչքների չարաշահումից։ Բժիշկներն արդեն պարզել են, որ ծխող մարդկանց մոտ բարդություններ ավելի շատ կարող են առաջանալ կորոնավիրուսով վարակվելու դեպքում, նույնը կարելի է ասել խմիչքի հանդեպ սեր ունեցողների մասին։ Բացի այդ, պետք է հնարավորինս հրաժարվել քաղցրավենիքից, գազավորված ըմպելիքներից, որոնք բաղադրության մեջ շաքարի մեծ տոկոս կա, և անցնել առողջ սննդի։

«Մեծահասակաները թող օրական առնվազն 30 րոպե ֆիզիկական վարժություններ անեն, երեխաները` մեկ ժամ։ Օրական մեկ ժամ զբոսնեք, բայց մյուսներից հեռավորություն պահեք», – խորհուրդ է տվել Գեբրեիսուսը։

Ներկա պահին աշխարհում կորոնավիրուսով վարակվելու 275 932 դեպք է արձանագրվել։ 11 398 մարդ մահացել է, 91 912–ը` բուժվել։

Կորոնավիրուսն ընդդեմ երևանյան տրանսպորտի. վարակը նաև վարորդի գրպանին է հարվածել

Ըստ թեմայի

«Դիմակային նորաձևություն» կամ երևանցիների գույնզգույն պաշտպանությունը. լուսանկարներ
Արայիկ Հարությունյանն իր սիրած գրողների գործերը կկարդա. «կորոնադադար»` մշակույթի միջոցով
Զինված ուժերում պայմանները մոտեցվել են պատերազմական դրության ռեժիմին. Սահակ Օհանյան
թեգերը:
Առողջապահության համաշխարհային կազմակերպություն (ԱՀԿ), տարեց, Երիտասարդ, կորոնավիրուս

Գլխավոր թեմաներ