12:11 02 հունիսի 2020
Ուղիղ եթեր
  • USD483.02
  • GBP598.37
  • EUR536.78
  • RUB6.92
Աշխարհ
Ստանալ կարճ հղումը
Հայաստան և ԵԱՏՄ (183)
11220

Վարչապետը շնորհակալություն է հայտնել ռուս գործընկերներին օպերատիվ օգնության և արդյունավետ համագործակցության համար։

ԵՐԵՎԱՆ, 10 ապրիլի– Sputnik. ՀՀ վարչապետ Նիկոլ Փաշինյանը մասնակցել է Եվրասիական միջկառավարական խորհրդի տեսակոնֆերանսին։ Նա ներկայացրել է կորոնավիրուսի տարածման հետևանքով Հայաստանում ստեղծված իրավիճակը։ Նա շեշտել է՝ երկրում իրավիճակը վերահսկողության տակ է. մարտի 16-ից արտակարգ դրություն է հայտարարվել, իսկ մարտի 24-ից՝ խիստ կարանտինային ռեժիմ մտցվել։

Օգտվելով առիթից՝ վարչապետը շնորհակալություն է հայտնել ռուս գործընկերներին օպերատիվ օգնության և արդյունավետ համագործակցության համար։

«Հայաստանը պատրաստ է իր հնարավորությունների սահմանում աջակցություն և օգնություն ցուցաբերել ԵԱՏՄ գործընկերներին։ Մենք պարտավոր ենք համակարգել մեր գործողություններն այս պայքարում»,- ընդգծել է Փաշինյանը։
Նա անդրադարձել է նաև կառավարության մշակած աջակցության, ինչպես նաև տնտեսության խթանման ծրագրերին։

«Ցավոք, մենք ճգնաժամի շեմին ենք։ Հավանաբար, դրանից հնարավոր չի լինի խուսափել։ Ավելին, ոչ ոք չգիտի, թե ինչպիսին կլինի այս ճգնաժամը, արդյոք այն ապագայում կրկնվի, թե ոչ, որքան երկար կտևի, կամ ինչպիսին կլինի համաշխարհային տնտեսությունն այս պայմաններում»,- ասել է նա՝ կարևորելով այս իրավիճակում ԵԱՏՄ ներսում ազատ առևտրի, ապրանքաշրջանառության ռեժիմի և բեռնափոխադրումների բնականոն ընթացքի պահպանումը։

ԵԱՏՄ–ն ընդդեմ կորոնավիրուսի. «բարության վարակ» է պետք

«ԵԱՏՄ երկրների հետ առանց ընդհատումների բեռնափոխադրումների իրականացումն այսօր Հայաստանի համար առաջնային նշանակություն ունի»,- ընդգծել է Փաշինյանը՝ հավելելով, որ ռուս-վրացական սահմանը Հայաստանի համար ստրատեգիական, կենսական նշանակություն ունի և շնորհակալություն է հայտնել ռուսական կառավարությանն ու անձամբ վարչապետ Միխայիլ Միշուստինին աջակցության համար։

Փաշինյանն ընդգծել է,որ այս իրավիճակում անհրաժեշտ է ավելի ուժեղացնել և ամրացնել կառույցի ներսում համագործակցությունը։  ՀՀ կառավարության ղեկավարը կարևորել է ԵԱՏՄ ներսում իրականացվող առևտրային գործընթացներում ազգային տարադրամներով վճարումների մասնաբաժինն ավելացնելը։

Միսը, կարագը, բրինձը, ձեթը կարող են էժանանալ. ԵԱՏՄ-ում գտել են գնաճը զսպելու ուղին

Տեսակոնֆերանսի իր ելույթը վարչապետը դրական տրամադրությամբ է ավարտել՝ նշելով Հայաստանի պատրաստակամությունն այս աշնանը հյուրընկալելու ԵԱՏՄ միջկառավարական խորհրդի հերթական նիստի մասնակիցներին։ Նա հույս է հայտնել, որ մինչ այդ համավարակն արդեն հաղթահարված կլինի։

թեմա:
Հայաստան և ԵԱՏՄ (183)

Ըստ թեմայի

Փաշինյանն ու Լուկաշենկոն հեռախոսազրույց են ունեցել․ ԵԱՏՄ ղեկավարները կհանդիպե՞ն
Սարգսյան. «ԵԱՏՄ–ում պետք է պլանավորեն գյուղատնտեսական ապրանքների արտադրության գործընթացը
ԵԱՏՄ տարածքում բեռնափոխադրումների նոր կարգեր են գործելու․ փոխնախարար
թեգերը:
կորոնավիրուս, Եվրասիական Տնտեսական Միություն (ԵԱՏՄ), Հայաստան, Նիկոլ Փաշինյան

Գլխավոր թեմաներ