ԵՐԵՎԱՆ, 12 ապրիլի-Sputnik. Իտալական «Ռոմայի» կիսապաշտպան Հենրիխ Մխիթարյանը ֆուտբոլային թիմի Twitter-ի էջում որոշել է երկրպագուներին «հարցախույզի ենթարկել»։ Իր ուղղած հարցերին կարճ տեսանյութերով նաև հենց ինքը՝ Մխիթարյանն է պատասխանել։
Մխիթարյանը պատրա՞ստ է քիչ ստանալ, բայց մնալ «Ռոմայում». Հենրիխի տրանսֆերային ոդիսականը
«Ո՞րն է «Ռոմայի»՝ այս մրցաշրջանի ձեր ամենասիրելի գոլը»,- հարցրել է Մխիթարյանն ու ավելացրել, որ չի նեղանա, եթե երկրպագուներն իր գոլերից չնշեն լավագույնների ցանկում։
Հարցին հայազգի ֆուտբոլիստն ինքն էլ է պատասխանել՝ առանձնացնելով «Ռոմայի» կազմում իր առաջին գոլը։
«Ինձ համար «Ռոմայի» մարզաշապիկով իմ գոլերից լավագույնն առաջինն էր, որը խփել եմ «Սասուոլոյի» հետ խաղում։ Ինչո՞ւ, որովհետև դա իմ նորամութի գոլն էր, և, իհարկե, ես շատ ոգևորված էի»,–գրել է նա։
#MickiAsks: Which of our goals has been your favourite this season? ⚽️
— AS Roma English (@ASRomaEN) April 11, 2020
#ASRoma pic.twitter.com/0cVoBBh6Cs
Նա նաև հարցրել է երկրպագուներին, թե ում են համարում «Ռոմայում» երբևէ հանդես եկած լավագույն խաղացողը։ Հարցի առիթով Մխիթարյանը նշել է, որ ինքն ամեն օր մի նոր բան է սովորում այս հրաշալի ակումբի մասին։
«Ամեն օր ես ավելի եմ տպավորվում նրանով, թե նրանք ինչպես են աջակցում խաղացողներին, նրանց նվիրվածությամբ և ինչպես են սիրում ֆուտբոլը»,- ասել է Մխիթարյանը՝ հավելելով, որ ինքը չունի «կուռք-խաղացող»։
Ավելի վաղ հայտնել էինք, որ իտալական «Ռոմա» ակումբը շարունակում է լոնդոնդյան «Արսենալից» հայազգի կիսապաշտպան Հենրիխ Մխիթարյանին գնելու փորձերը, սակայն առայժմ անարդյունք։
2018թ.-ին Հենրիխ Մխիթարյանը 3 տարով պայմանագիր է կնքել լոնդոնյան «Արսենալի» հետ, իսկ 2019թ․-ից վաձակալության իրավունքով հանդես է գալիս «Ռոմայի» կազմում։ Վերջերս հայազգի կիսապաշտպանը մի քանի անգամ ակնարկել է, որ կցանկանար մնալ Իտալիայում, որովհետև «Ռոմայի» գլխավոր մարզիչ Ֆոնսեկայի ֆուտբոլը նրա հոգուն շատ ավելի մոտ է։
«Փոքր ժեստերը միավորում են մեզ». Մխիթարյանը միացել է կորոնավիրուսի դեմ պայքարի կոչին
Հիշեցնենք՝ այս մրցաշրջանում Մխիթարյանը 13 խաղ է անցկացրել Իտալիայի առաջնության ընթացքում, խփել է վեց գոլ և երեք գոլային փոխանցման հեղինակ դարձել։
