03:38 08 հուլիսի 2020
Ուղիղ եթեր
  • USD485.12
  • GBP605.43
  • EUR546.92
  • RUB6.72
Աշխարհ
Ստանալ կարճ հղումը
Ապրիլի 24. Հայոց ցեղասպանության չմոռացվող էջը (85)
9810

Կանադայի վարչապետ Ջասթին Թրյուդոն նույնպես անդրադարձել է Հայոց ցեղասպանության թեմային ու ասել, որ իրենք միանում են Կանադայում և ողջ աշխարհում սփռված հայերին։

ԵՐԵՎԱՆ, 24 ապրիլի – Sputnik. Կանադայի վարչապետ Ջասթին Թրյուդոն Հայոց ցեղասպանության մասին գրառում է արել Twitter–ի իր էջում։

«Մենք երբեք չպետք է մոռանանք Հայոց ցեղասպանության զոհերի մասին։ Այսօր մենք վերահաստատում ենք մեր հանձնառությունը` կառուցել աշխարհ, որտեղ յուրաքանչյուր ոք կարող է իրեն ապահով զգալ խտրականությունից և հետապնդումներից՝ անկախ այն հանգամանքից, թե ով է նա, որտեղից և ինչին է հավատում»,– գրել է Թրյուդոն։

​Նա նաև նշել է, որ իրենք միանում են Կանադայում և ողջ աշխարհում սփռված հայերին` ոգեկոչելու Հայոց ցեղասպանության զոհերի հիշատակը` պատմության մութ օրերից մեկը, որը չպետք է մոռացվի։ Թրյուդոյի խոսքով` ատելությունն ու բռնությունը այլևս չպետք է անտարբերության մատնվեն։

Հիշեցնենք, որ կորոնավիրուսի տարածումը կանխելու համար այս տարի Հայոց ցեղասպանությանը նվիրված զանգվածային միջոցառումներ չեն անցկացվում։ Ե՛վ Հայաստանում, և՛ Արցախում չեղարկվել են ամենամյա ջահերով երթերը, իսկ Ծիծեռնակաբերդի հուշահամալիրի մուտքը փակ է քաղաքացիների համար։

Այսօր առավոտյան Ծիծեռնակաբերդի անմար կրակի մոտ Հայոց ցեղասպանության զոհերի հիշատակին հարգանքի տուրք են մատուցել ՀՀ նախագահ Արմեն Սարգսյանը, ՀՀ վարչապետ Նիկոլ Փաշինյանը, ՀՀ ԱԺ նախագահ Արարատ Միրզոյանը, Ամենայն հայոց կաթողիկոս Գարեգին Բ–ն։

թեմա:
Ապրիլի 24. Հայոց ցեղասպանության չմոռացվող էջը (85)

Ըստ թեմայի

Պատարագ և ծաղիկներ. Մոսկվայում հարգանքի տուրք են մատուցել Ցեղասպանության զոհերի հիշատակին
ԱՄՆ նախագահ Թրամփը կրկին չի օգտագործել «Հայոց ցեղասպանություն» արտահայտությունը
Ծաղիկներ և խոնարհում․ ՌԴ դեսպանը հարգանքի տուրք է մատուցել ցեղասպանության զոհերի հիշատակին
թեգերը:
Հայոց ցեղասպանություն, Ջասթին Թրյուդո, Կանադա

Գլխավոր թեմաներ