ԵՐԵՎԱՆ, 27 ապրիլի – Sputnik․ ԱՄՆ իրավապահները ձերբակալել են Հետախուզությունների դաշնային բյուրոյի նախկին աշխատակից, 53-ամյա Բաբաք Բրումանդին, որին կասկածում են ընդհանուր առմամբ 200 հազար դոլար կաշառք ստանալու համար։
Ինչպես տեղեկացնում է երկրի Արդարադատության նախարարության կայքը, կաշառքի դիմաց Բրումանդը գաղտնի տեղեկություն է տրամադրել հայկական հանցավոր խմբավորման շահերը պաշտպանող փաստաբանին։
Նշվում է, որ իրավաբանը պարբերաբար կաշառք է տվել և Բրումանդի համար նվերներ է գնել 2015-2017 թթ., երբ նա Սան Ֆրանցիսկոյի դաշտային գրասենյակում ՀԴԲ գործակալ էր աշխատում և զբաղվում էր Ազգային անվտանգության հարցերով, ինչպես նաև գաղտնի աղբյուրների մշակմամբ:
Փաստաբանը պահանջել է, որ Բրումանդը ՀԴԲ-ի տվյալների բազաներից նրան գաղտնի տեղեկություններ տրամադրի տարբեր մարդկանց մասին, որոնք փաստաբանի հետ կարող էին ներգրավվել օրինական և անօրինական գործունեության մեջ:
Կաշառք են վերցրել «ընդհանուր բարեհաճ վերաբերմունքի համար». ԱԱԾ–ի բացահայտումը
Բացի այդ, փաստաբանը հետաքրքրվել է հայ գործարար, կալիֆորնիական «Noil Energy Group» վառելիքային ընկերության սեփականատեր Լևոն Թերմենջյանի մասին։
Վերջինիս կապը կազմակեպված հանցավոր խմբերի հետ բացահայտվել է, և մարտին նա դատապարտվել է հարկային խարդախության (ընդհանուր 1 մլրդ դոլարի չափով) համար։ Փաստաբանը ՀԴԲ գործակալին խնդրել է պարզել նաև՝ արդյոք մեկ այլ հաճախորդի անունը գրանցվա՞ծ է ահաբեկչության հետ կապված գործերում։
Հետախուզվում է Գագիկ Բեգլարյանը. ԱԱԾ-ն նրա դեմ լուրջ փաստեր է հավաքել
Արդարադատության նախարարությունը ենթադրում է, որ փաստաբանի շահերի համար Բրումանդը ՀԴԲ բազաներից տեղեկություն է ստացել մոտ 20 անձի մասին։
