ԵՐԵՎԱՆ, 30 ապրիլի – Sputnik. 1998 OR2 աստերոիդը կամ «դիմակով աստերոիդը» ապրիլի 29-ի կեսօրին անցել է Երկիր մոլորակից 6 մլն կմ հեռավորության վրա։
NASA–ն գրում է, որ 1998 թվականին հայտնաբերված աստերոիդը վտանգավոր է համարվում, քանի որ երկնային մարմինը ժամանակ առ ժամանակ մոտենում է Երկրի ուղեծրին։
Երևանի ժամանակով ժամը 13:56–ին հսկայական չափերով աստերոիդն անցել է Երկրից նվազագույն հեռավորության վրա։ Աստղագետները ցույց են տվել երկնային մարմնի թռիչքի հեռարձակումն իրական ժամանակում։
«Դիմակով աստերոիդը» կանցնի Երկիր մոլորակի կողքով. լուսանկար
1998 OR2 աստերոիդի երկարությունը գերազանցում է 4 կմ–ը։ Մասնագետների կանխատեսմամբ` 59 տարի անց 1998 OR2 այն 3 անգամ ավելի մոտ կլինի մեր մոլորակին։ Դա է պատճառը, որ մասնագետները համակ ուշադրությամբ ուսումնասիրվում են աստերոիդի տեղաշարժման ուղեծիրը։
