01:01 04 հուլիսի 2020
Ուղիղ եթեր
  • USD483.84
  • GBP602.38
  • EUR543.30
  • RUB6.81
Աշխարհ
Ստանալ կարճ հղումը
Կորոնավիրուսը Չինաստանում և աշխարհում (795)
457 0 0

Հյուրանոցները կարող են գործել, եթե պահպանեն պարտադիր պայմանները։ Դրանցից մեկը վերաբերում է զանգվածային միջոցառումներին։

ԵՐԵՎԱՆ, 4 մայիսի – Sputnik. Եգիպտոսի զբոսաշրջության նախարար Խալեդ ալ Անանին հայտարարել է, որ Եգիպտոսի հյուրանոցները կսկսեն աշխատել, բայց մինչև հունիսի 1-ը` մինչև 25%, իսկ դրանից հետո` 50% ծանրաբեռնվածությամբ։

Հյուրանոցների առջև մի շարք պահանջներ են դրվել` պետք է ունենան անհատական պաշտպանիչ միջոցներ, կահավորված բուժկետ և ախտահանիչ նյութեր։

Հյուրանոցի ներսում չի կարելի զանգվածային միջոցառումներ ու գիշերային ծրագրեր կազմակերպել։ Պետք է լինեն հատուկ կահավորված տարածքներ, որպեսզի հանգստացողներից որևէ մեկի մոտ հիվանդության ախտանշաններ ի հայտ գալու դեպքում մեկուսացնեն նրան։ Աշխատակիցներն էլ պետք է կորոնավիրուսի արագ թեստեր հանձնեն։
Եգիպտոսն առայժմ միայն տեղացի զբոսաշրջիկներին է ընդունելու։

Աշխարհում կորոնավիրուսի գրանցված դեպքերը հատել են 3,5 միլիոնի սահմանը

Հիշեցնենք, որ Եգիպտոսում մարտի 19-ից COVID-19–ի տարածման դեմ պայքարի շրջանակում դադարեցվել են միջազգային ուղևորափոխադրումները, փակվել են հյուրանոցները, ռեստորաններն ու սրճարանները, պարետային ժամ է սահմանվել։

Ձեռնարկված միջոցառումների հետևանքով երկրի բյուջեն զրկվել է ամսական մոտ 1 մլրդ դոլարից. զբոսաշրջային ոլորտի եկամուտը կազմում է երկրի ՀՆԱ–ի 12-15%–ը։

Այսօրվա տվյալներով` Եգիպտոսում գրանցվել է կորոնավիրուսով վարակվելու 6465 դեպք, մահացել է 429 մարդ։

Կորոնավիրուսով վարակվածներից 35-ը ծայրահեղ ծանր վիճակում են․ նախարարը նոր տվյալներ հայտնեց

Ավելի վաղ Հունաստանը, որը ևս խոշոր վնասներ է կրում զբոսաշրջիկների բացակայության պատճառով, առաջարկել էր արտերկրից ժամանող ճանապարհորդների համար հատուկ «առողջության անձնագրեր» կիրառել։ Այդ փաստաթուղթը կհաստատի, որ զբոսաշրջիկը կորոնավիրուսով վարակված չէ։

ԵԱՏՄ-ում կորոնավիրուսի կանխարգելման համալիր ծրագիր են մշակել

թեմա:
Կորոնավիրուսը Չինաստանում և աշխարհում (795)

Ըստ թեմայի

Հայաստանում կորոնավիրուսով վարակվածների թիվը մեկ օրում ավելացել է 121-ով և դարձել 2507
Հայաստանում կորոնավիրուսից 1 կին և 3 տղամարդ են մահացել
ՀՀ–ն կորոնավիրուսով վարակվածների թվով առաջինն է Կովկասում
թեգերը:
կորոնավիրուս, Հյուրանոց, Զբոսաշրջիկ, Եգիպտոս

Գլխավոր թեմաներ