23:59 03 հուլիսի 2020
Ուղիղ եթեր
  • USD483.84
  • GBP602.38
  • EUR543.30
  • RUB6.81
Աշխարհ
Ստանալ կարճ հղումը
Կորոնավիրուսը Չինաստանում և աշխարհում (795)
705 0 0

Բոլոր հիվանդները նույն ընտանիքի անդամներ են և մարդիկ, որոնք նրանց հետ շփում են ունեցել։

ԵՐԵՎԱՆ, 10 մայիսի-Sputnik. Չինաստանի հյուսիս-արևելյան Ցզիլին նահանգի Շուլանի քաղաքային գավառը բարձր ռիսկի գոտի է հայտարարվել։ Նախօրեին այնտեղ 11 մարդու կորոնավիրուսով վարակվելու դեպք է արձանագրվել։ ՌԻԱ նովոստին, հղում անելով Չինաստանի առողջապահության հարցերով պետական կոմիտեին, տեղեկացնում է, որ կոմիտեի պաշտոնական ներկայացուցիչ մի Ֆենը մայիսի 9-ին հայտարարել է՝ Չինաստանում կրկին խմբակային վարակի դեպք է գրանցվել։

Մեկ օրում ամբողջ երկրում գրանցվել է վարակման 12 դեպք. մեկը՝ Ուհայում, իսկ 11–ը՝ Ցզիլին նահանգում։ Դա մարտի 11-ից ի վեր երկրում գրանցված ամենաբարձր ցուցանիշն է: Բոլոր հիվանդները նույն ընտանիքի անդամներ են և մարդիկ, որոնք նրանց հետ շփում են ունեցել։

Ավելի վաղ Ուհան քաղաքում համաճարակաբանական սպառնալիքի մակարդակը փոխվել է ցածրից դեպի բարձր։ Դա եղել է այն բանից հետո, երբ քաղաքում վարակի մեկ նոր դեպք, ինչպես նաև 16 առանց ախտանիշների վարակակիրներ են հայտնաբերվել։

Հիշեցնենք՝ Չինաստանը 2019թ.–ի դեկտեմբերի 31-ին հայտարարեց Հուբեյ նահանգի Ուհան քաղաքում դեռևս անհայտ վիրուսի բռնկման մասին։

Այսօր Չինաստանը կորոնավիրուսի վարակակիրների թվով 11-րդ տեղում է։ Այդ երկրում հայտնաբերված դեպքերը 82 901-ն են, մահերի թիվը 4 633 է։

Չինաստանը նոր միջոց ունի, որը մակերևույթները COVID-19-ից ախտահանված պահում է մինչև 90 օր

COVID-19-ի տարածման տեմպով «առաջատար» տասնյակում են ԱՄՆ–ն, Իսպանիան, Մեծ Բրիտանիան, Իտալիան, Ռուսաստանը, Ֆրանսիան, Գերմանիան, Բրազիլիան, Թուրքիան և Իրանը։

Worldometers-ի տվյալներով՝ աշխարհում կորոնավիրուսով վարակվածների թիվը հատել է 4 միլիոնի սահմանը։ Վիրուսի զոհերի թիվն անցել է 280 հազարը։

Առողջապահության համաշխարհային կազմակերպությունը (ԱՀԿ) մարտի 11-ին նոր COVID-19 կորոնավիրուսի բռնկումը հայտարարել է համավարակ: Կազմակերպությունը բոլոր պետություններին կոչ է արել միավորվել վարակի դեմ պայքարում։

Հայաստանում կորոնավիրուսով վարակվածների թիվը մեկ օրում ավելացել է 138–ով և դարձել 3313

թեմա:
Կորոնավիրուսը Չինաստանում և աշխարհում (795)

Ըստ թեմայի

Հաղթել կորոնավիրուսին. «Ռոսիա սեգոդնյան» Չինաստանի փորձի մասին գիրք կթողարկի
Երբ կնահանջի COVID-19-ը. Չինաստանի առաջատար համաճարակաբանը խոսել է համավարակի մասին
Չինաստանից ՀՀ է տեղափոխվել կորոնավիրուսի դեմ պայքարի միջոցների նոր խմբաքանակ. տեսանյութ
թեգերը:
կորոնավիրուս, Չինաստան

Գլխավոր թեմաներ