ԵՐԵՎԱՆ, 15 մայիսի – Sputnik. Ամբողջ աշխարհում արդեն ավելի քան 4,5 միլիոն մարդ վարակվել է կորոնավիրուսով։ Տեղեկությունը հայտնում է Worldometer համաշխարհային վիճակագրության կայքը։
Մայիսի 15-ի առավոտյան տվյալներով՝ COVID-19-ի հաստատված դեպքերն ամբողջ աշխարհում կազմում են 4 527 283 մարդ։ Համավարակի զոհ են դարձել 303 418 մարդ։
Վարակի տարածման տեմպով առաջատարն ԱՄՆ–ն է, որտեղ կորոնավիրուս է հայտնաբերվել 1 457 593 մարդու մոտ։ Վարակվածներից 86 912 –ը մահացել են։
Երկրորդ տեղում Իսպանիան է։ Այստեղ վարակվածների թիվը 272 646 է։ Մահացել է 27 321 մարդ։
Երրորդ տեղում Ռուսաստանն է, որտեղ 252 245 մարդ է վարակվել կորոնավիրուսով, մահացել են 2 305-ը։
Մեծ Բրիտանիայում վարակվածների թիվը հասել է 233 151-ի, մահացել է 33 614 մարդ։ Իտալիայում 223 096 վարակված կա, իսկ համավարակի զոհ են դարձել 31 368 մարդ։
Բրազիլիայում կա 203 165 վարակակիր, Ֆրանսիայում՝ 178 870, Գերմանիայում՝ 174 975, Թուրքիայում՝ 144 749, Իրանում՝ 114 533։
Կորոնավիրուսի մասին միֆերն ու ճշմարտությունը
Չինաստանում, որը հակավարանիշի 11-րդ հորիզոնականն է զբաղեցնում, հաստատված դեպքերի թիվը 82 933 է։ Համավարակից 4 633 մարդ է մահացել։
«Կորոնավիրուսով վարակված 660 անձ թոքաբորբ ունի, 33-ի վիճակը ծայրահեղ ծանր է»․ Նանուշյան
Առողջապահության համաշխարհային կազմակերպությունը (ԱՀԿ) մարտի 11-ին նոր COVID-19 կորոնավիրուսի բռնկումը հայտարարել է համավարակ։ Կազմակերպությունը բոլոր պետություններին կոչ է արել միանալ վարակի դեմ ակտիվ պայքարին։
