23:53 03 հուլիսի 2020
Ուղիղ եթեր
  • USD483.84
  • GBP602.38
  • EUR543.30
  • RUB6.81
Աշխարհ
Ստանալ կարճ հղումը
63 0 0

ՀԱՊԿ գլխավոր քարտուղար Ստանիսլավ Զասը նշել է, որ ՀԱՊԿ անդամ երկրներում արդեն իսկ գործում են շտապօգնության մեխանիզմներ:

ԵՐԵՎԱՆ, 15 մայիսի — Sputnik. ՀԱՊԿ գլխավոր քարտուղար Ստանիսլավ Զասը ՌԻԱ Նովոստիին տված հարցազրույցում ասել է, որ անհրաժեշտության դեպքում ՀԱՊԿ-ն իր ռեսուրսներն ամբողջ թափով կուղղի  կորոնավիրուսային համավարակի դեմ պայքարին, սակայն այս պահին դրա անհրաժեշտությունը  չկա։

«Համավարակը շատ լուրջ սպառնալիք է մեր երկրների համար: Երբ այս ամենը սկսվեց, ես զրույց ունեցա Ռոսպոտրեբնադզորի ղեկավար Աննա Պոպովայի հետ: Եկանք համաձայնության․եթե այդպիսի անհրաժեշտություն լինի, ՀԱՊԿ-ը, որպես ռազմաքաղաքական կազմակերպություն, լիովին կօգտագործի իր ռեսուրսները համաճարակի դեմ պայքարի համար: Այս պահին դեռ դրա կարիքը չկա»,-ասել է Զասը։

Նրա խոսքով՝ ՀԱՊԿ-ի անդամ երկրներում իրավիճակի կտրուկ վատթարացման դեպքում կգործի կոնկրետ միջոցառումների համակարգ։

Կանխարգելիչ միջոցառումների շրջանակներում կօգտագործվեն ՀԱՊԿ ճգնաժամային արձագանքման կենտրոնի հնարավորությունները, որոնք սերտ կհամագործակցեն ՀԱՊԿ անդամ պետությունների նախարարների և գերատեսչությունների հետ, կիրականացվի ամենօրյա մոնիտորինգ `կորոնավիրուսային վարակի տարածման վերաբերյալ։

Հարցին, թե ի՞նչ օգնություն են միմյանց ցուցաբերել ՀԱՊԿ-ի անդամ երկրները համաճարակի դեմ պայքարում, Զասը նշել է, որ արդեն ստեղծվել են «շտապ օգնություն» մեխանիզմներ։

«Մենք պատրաստ ենք դրան, մենք գիտենք պատկերը մեր բոլոր անդամ երկրներում, ամեն օր տվյալները թարմացնում ենք: ՀԱՊԿ շրջանակներում կան համապատասխան օգնություն ցուցաբերելու մեխանիզմներ, երբ մեզ կդիմեն: Կա տարբերակ ՝ երկկողմանի հիմունքներով, երբ պետությունը օգնություն է խնդրում ՀԱՊԿ անդամ պետությունից և անմիջապես ստանում է այն:

Զասը բանակցություններ է վարել ՀԱՊԿ–ի անդամ երկրների ԱԽ քարտուղարների հետ

Կա տարբերակ, երբ ՀԱՊԿ մի քանի պետություններ աջակցում են կազմակերպության մեկ այլ անդամին՝ համախմբված ձևով: Երկրորդ տարբերակը դեռ պետք չի եկել: Օժանդակությունն իրականացվել է երկրների երկկողմ շփումների միջոցով»,-ասել է նա:

ՀԱՊԿ գլխավոր քարտուղարն արձագանքել է հայ–ադրբեջանական սահմանին հնչած կրակոցներին

Զասը նաև հայտնել է, որ նոր իրողությունները, որոնք այժմ զարգանում են համաճարակի պատճառով, քննարկվելու են ՀԱՊԿ Արտաքին գործերի նախարարների խորհրդի առաջիկա նիստի ընթացքում, որը նախանշված է մայիսի 26-ին:

Հիշեցնենք, որ ՀԱՊԿ-ի կազմում ընդգրկված են  Հայաստանը, Բելառուսը, Ղազախստանը, Ղրղզստանը, Ռուսաստանը և Տաջիկստանը:

Ըստ թեմայի

Արսեն Թորոսյանի կորոնավիրուսի թեստի պատասխանը հայտնի է
Լավրովը զանգել է Մնացականյանին. խոսել են ղարաբաղյան խնդրից ու կորոնավիրուսից
Կորոնավիրուսի մասին միֆերն ու ճշմարտությունը
թեգերը:
կորոնավիրուս, համավարակ, Ստանիսլավ Զաս, Հավաքական անվտանգության պայմանագիր կազմակերպություն (ՀԱՊԿ)

Գլխավոր թեմաներ