ԵՐԵՎԱՆ, 22 մայիսի – Sputnik. Հայտնի հոլիվուդյան դերասան Բրեդ Փիթը կարծես թե կարող է նորից կոտրել իր նախկին կնոջ՝ Հոլիվուդի աստղ Ջենիֆեր Էնիսթոնի սիրտը։
Ինչպես հայտնի է՝ Անջելինա Ջոլիի ու Բրեդ Փիթի ապահարզանից հետո նախկին ամուսինները վերականգնել են ընկերական հարաբերությունները, իսկ Փիթը նույնիսկ փորձել է վերադարձնել Էնիսթոնի սերը։ Սակայն այդ հարաբերությունները դեռ չսկսած` ճաք են տվել։
The Mirror պարբերականը հայտնում է, որ այս անգամ զույգի հարաբերություններում փորձաքար է դարձել 31-ամյա դերասանուհի Ալյա Շովքեթը։ Էնիսթոնը զայրացել է, որ Փիթը փորձում է «երկու աթոռի վրա նստած մնալ»․ մի կողմից փորձում է վերադարձնել նախկին կնոջը, մյուս կողմից՝ սերտ շփվում է նոր ընկերուհու հետ։
Ամուրի Բրեդ Փիթը 44-ամյա Դի Կապրիոյին համոզել է ամուսնանալ
Դերասանուհին հոգնել է, որ մի օր Փիթը նրա հանդեպ ուշադիր ու հոգատար է, իսկ հաջորդ օրն անհետանում է, ու լրատվամիջոցները նորից գրում են Շովքեթի հետ նրա հանդիպումների մասին։
«Ջենը որոշել է, որ նույնիսկ չի մտածելու Բրեդի հետ համատեղ ապագայի մասին, մինչև նա չդադարի այդքան անպատասխանատու ու վախկոտ լինել։ Նրա սիրտը նորից կոտրված է»,-պարբերականի հետ զրույցում ասել է ինսայդերը։
Հոլիվուդի 51-ամյա աստղը իրեն նորից խաբված է զգում։
Բրեդ Փիթն ու Ջենիֆեր Էնիսթոնը կրկին միասին են. Քլունիների ջանքերը պսակվել են հաջողությամբ
