11:12 07 հունիսի 2020
Ուղիղ եթեր
  • USD481.74
  • GBP608.44
  • EUR546.00
  • RUB7.01
Աշխարհ
Ստանալ կարճ հղումը
71 0 0

Աղետի հետևանքով Կարաչիի հիմնական բոլոր հիվանդանոցները աշխատանքի արտակարգ ռեժիմի են անցել։

ԵՐԵՎԱՆ, 22 մայիսի  – Sputnik. Պակիստանի Սինդ նահանգի իշխանությունը հայտնել է, որ «Պակիստանի միջազգային ավիաուղիներ» ավիաընկերության ինքնաթիռի կործանման ժամանակ 2 մարդ ողջ են մնացել։ Այս տեղեկությունը Twitter-ի իր էջում հայտնել է նահանգի կառավարության մամուլի քարտուղար Մուրթազա Վահաբը։

«Այս պահին կարող եմ հաստատել, որ «Պակիստանի միջազգային ավիաուղիների» ինքնաթիռից 2 ուղևոր հրաշքով ողջ են մնացել կործանումից հետո։ Նրանց անուններն են՝ Զաֆար Մասուդ ու Մոհդ Զուբայր։ Երկուսի վիճակն է կայուն է», - գրել է նա։

Ավելի վաղ CNN-ը, հղում անելով Պակիստանի ավիացիայի նախարարությանը հայտնել էր, որ Պակիստանի մայրաքաղաք Կարաչիի մոտակայքում կործանված Pakistan International Airlines ավիաընկերության Airbus 320 ինքնաթիռում եղել է 99 ուղևոր ու անձնակազմի 8 անդամ։

Ավիաընկերության մամուլի քարտուղար Աբդուալ Խանը հայտնել է, որ տեղական ժամանակով ժամը 14:30-ին (Մոսկվայի ժամանակով 12:30-ին) ինքնաթիռը կորել է ռադարների տեսադաշտից, դրանից առաջ օդաչուն ահազանգել է` տեղեկացնելով տեխնիկական խնդիրների մասին։

Պակիստանյան Dawn թերթը հայտնում է, որ աղետի պատճառով Կարաչիի հիմնական բոլոր հիվանդանոցները աշխատանքի արտակարգ ռեժիմի են անցել։

Ավիաաղետ Կանադայում. ՌՕՈւ–ի ինքնաթիռի կործանման կադրերը հայտնվել են համացանցում

Սինդ նահանգի նահանգապես Իմրան Իսմայիլը հայտնել է, որ ինքնաթիռը ընկել է մարդաշատ վայրում։ Ականատեսներն ասել են, որ այն ընկնելուց առաջ հրդեհվել է օդում։

Ինչպես արդեն տեղեկացրել էինք, «Պակիստան միջազգային ավիաուղիների» Airbus 320  ինքնաթիռը, որը Լոհոարից Կարաչի է մեկնել, այսօր կործանվել է Կարաչիի «Ջինա» օդանավակայանի մոտ։

թեգերը:
փրկարար, Վիրավոր, Զոհ, ավիավթար, Պակիստան

Գլխավոր թեմաներ