18:01 05 հուլիսի 2020
Ուղիղ եթեր
  • USD483.84
  • GBP602.38
  • EUR543.30
  • RUB6.81
Աշխարհ
Ստանալ կարճ հղումը
Կորոնավիրուսը Չինաստանում և աշխարհում (799)
315 0 0

ԱՄՆ նախագահ Դոնալդ Թրամփը նշել է, որ Միացյալ Նահանգները Առողջապահության համաշխարհային կազմակերպության համար նախատեսված գումարը կուղղի ամբողջ աշխարհի հրատապ առողջապահական կարիքներին։

ԵՐԵՎԱՆ, 29 մայիսի — Sputnik. ԱՄՆ նախագահ Դոնալդ Թրամփն ասել է, որ երկիրը դադարեցնում է հարաբերությունները Առողջապահության համաշխարհային կազմակերպության հետ։ Տեղեկությունը հայտնում է ՌԻԱ Նովոստին։

«Քանի որ նրանք (ԱՀԿ-ն – խմբ․) հրաժարվել են պահանջվող բարեփոխումներն անցկացնելուց, մենք այսօր դադարեցնում ենք հարաբերությունները Առողջապահության համաշխարհային կազմակերպության հետ և այդ միջոցներն ուղղում ենք ամբողջ աշխարհի առողջապահական կարիքներին»,-ասել է Թրամփը Սպիտակ տանը։

Ավելի վաղ ԱՄՆ նախագահ Դոնալդ Թրամփը նամակ էր գրել ԱՀԿ-ի տնօրեն Թեդորոս Ադանոմ Գեբրեյեսուսին և հայտնել, որ իր ղեկավարած պետությունն ամբողջությամբ կդադարեցնի Առողջապահության համաշխարհային կազմակերպության ֆինանսավորումը և կվերանայի իր անդամակցությունը ԱՀԿ-ին, եթե կազմակերպությունը 30 օրվա ընթացքում բարեփոխումներ չիրականացնի:

«Ձեր սխալները թանկ նստեցին աշխարհի վրա». Թրամփը վերջնագիր է ներկայացրել ԱՀԿ-ին

Թրամփը նշել էր, որ Սպիտակ տան վարչակազմը հետաքննությունն է անցկացրել պարզելու համար, թե ինչպես է ԱՀԿ–ն արձագանքել կորոնավիրուսի համավարակին։

Worldometer համաշխարհային վիճակագրության կայքի այսօրվա տվյալներով՝ կորոնավիրուսով վարակվածների թիվն աշխարհում գերազանցել է 5,9 միլիոնը։ COVID-19-ի բարդացումներից արդեն 363 905 մարդ է մահացել։

Աղբյուրի համաձայն՝ ԱՄՆ-ն վարակի տարածման ցուցանիշով առաջին տեղն է զբաղեցնում։ Հաստատված դեպքերի թիվն այդ երկրում կազմում է 1 783 492, զոհերի թիվը՝ 104 037։

Հիշեցնենք` մարտի 11-ին Առողջապահության համաշխարհային կազմակերպությունը (ԱՀԿ) կորոնավիրուսը հայտարարեց համավարակ և բոլոր պետություններին կոչ արեց միավորվել վարակի դեմ պայքարում։

թեմա:
Կորոնավիրուսը Չինաստանում և աշխարհում (799)

Ըստ թեմայի

Ե՞րբ հնարավոր կլինի կորոնավիրուսի պատվաստանյութ ստեղծել․ ԱՀԿ–ում ժամկետներ են նշել
ԱՀԿ–ն COVID-19–ի պոտենցիալ պատվաստանյութերի ցանկ է ներկայացրել
ԱՀԿ-ն ռուսական ինը պատվաստանյութ հեռանկարային է անվանել
ԱՀԿ-ն կանգնեցրել է COVID-19-ի դեմ երկու դեղամիջոցի մշակումը. մահացության ռիսկը մեծ է
թեգերը:
կորոնավիրուս, Առողջապահության համաշխարհային կազմակերպություն (ԱՀԿ), ԱՄՆ, Դոնալդ Թրամփ

Գլխավոր թեմաներ