08:37 13 հուլիսի 2020
Ուղիղ եթեր
  • USD486.73
  • GBP613.77
  • EUR549.62
  • RUB6.84
Աշխարհ
Ստանալ կարճ հղումը
99 0 0

Սանկտ Պետերբուրգի պետական համալսարանի պրոֆեսոր Ալեքսանդր Կուբիշկինը մեկնաբանել է ԱՄՆ-ում տիրող անկարգություններում Ռուսաստանի «մասնակցության» վերաբերյալ մեղադրանքները։

ԵՐԵՎԱՆ, 1 հունիսի - Sputnik. Սանկտ Պետերբուրգի պետական համալսարանի պրոֆեսոր Ալեքսանդր Կուբիշկինը Sputnik ռադիոկայանի եթերում ասաց, որ ԱՄՆ-ի ներքին գործերին «միջամտելու» վերաբերյալ Ռուսաստանի հասցեին հնչած մեղադրանքները քարոզչության գործիքներից է։

Ավելի վաղ ԱՄՆ-ի նախկին նախագահ Բարաք Օբամայի ազգային անվտանգության հարցերի նախկին խորհրդական Սյուզան Ռայսը կասկած էր հայտնել, որ Ռուսաստանը «կապ ունի» Միացյալ Նահանգներում տիրող անկարգությունների հետ, թեև իր անձնական վստահությունից բացի, իր խոսքերն ապացուցող որևէ փաստարկ չէր ներկայացրել։

«Նման հայտարարություններն արդեն մեմ են դառնում, քանի որ որպես ԱՄՆ գործերին  Ռուսաստանի «միջամտություն» կարող է հասկացվել ամեն ինչ՝ ԱՄՆ-ում հիմա տեղի ունեցող զարգացումները լուսաբանող լրագրողների գործունեությունից մինչև պաշտոնական մակարդակով ու ասենք սոցցանցերում արված մեկնաբանություններ», - նշեց Կուբիշկինը։

Փորձագետի խոսքով՝ ԱՄՆ-ում տիրող անկարգությունների պատճառն իրականում ներքին,  պատմական խնդիր է։ Բողոքի ակցիաների գլխավոր պատճառը ռասայական փոքրամասնությունների հանդեպ երկակի ստանդարտներն են։

Մինեապոլիսում անկարգությունները շարունակվում են․ ցուցարարները բանկ են հրկիզել

Կուբիշկինն ուշադրություն է հրավիրում այն փաստին, որ ԱՄՆ-ում այժմ կալանավորում են ոչ միայն աֆրոամերիկացիներին, որոնք Մինեապոլիսում Ջորջ Ֆլոյդի մահվան պատճառով բողոքի ակցիաների են մասնակցում, այլև ասիական համայնքի ներկայացուցիչներին։

Պրոֆեսորի կարծիքով՝ դրան արդեն ակնհայտորեն չինական հետքն է հաջորդելու, ուստի չի բացառվում, որ շուտով Պետդեպարտամենտի ներկայացուցիչներից մեկը հայտարարի, որ Չինաստանը ևս միջամտում է ԱՄՆ-ի ներքին գործերին։

«Դրանց չարժի ուշադրություն դարձնել․ դրանք տեղեկատվական արտանետումներ են, և էական ազդեցություն չունեն ակտիվիստների պահվածքի վրա։ Պարզապես արդեն իներցիայի համաձայն՝ ամեն ինչում Մոսկվայի «չար ձեռքն» են տեսնում։

Նա ավելացրեց, որ ԱՄՆ-ում բազում քաղաքական գործիչներ ու նախկին պաշտոնյաներ նման հայտարարություններով իրենց համար կապիտալ են կուտակում։

Սոցիալական կայքերը հեղեղված են ԱՄՆ-ում տեղի ունեցող բողոքի ակցիաների տեսանյութերով

«Նկատում եմ, որ բազում նախկին պաշտոնյաներ, որոնք հեռացել են քաղաքական ասպարեզից, փորձում են մեկնաբանել այդ իրադարձությունները որպես արտաքին միջամտություն։ Դա լուրջ նշանակություն չունի։ Ռուսաստանի ու ԱՄՆ-ի հարաբերությունները մի շարք հարցերում շատ խառն են ու գաղափարախոսական երանգ ունեն, այդ պատճառով Ռուսաստանի ասած ամեն ինչ կարող է ընկալվել որպես ԱՄՆ-ի ներքին գործերին միջամտություն», - վստահ է Կուբիշկինը։

ԱՄՆ-ում պղծել են հայկական խաչքարը. հայ համայնքը դժգոհություն է հայտնում

Հիշեցնենք` ամերիկյան քաղաքներում անկարգությունները սկսվեցին մայիսի 25-ից, երբ աֆրոամերիկացի Ջորջ Ֆլոյդը մահացավ ոստիկանական գործողությունների հետևանքով։

Զանգվածային անկարգությունների ֆոնին չորս ոստիկան ազատվել է աշխատանքից, ևս մեկը մեղադրվում է անզգուշությամբ մահ պատճառելու մեջ։ Մինեապոլիսում ու հարևան Սենթ Փոլում հանգստյան օրերին պարետաժամ է մտցվել։

Ըստ թեմայի

ԱՄՆ-ն բնակչությանը նախապատրաստում է խաղաղության․ դեսպանը՝ ԼՂ հակամարտության մասին
Մարգարիտա Սիմոնյանը բացահայտել է ԱՄՆ-ի բժշկական համակարգի մասին միֆը
Թրամփն ասել է՝ ինչու է ԱՄՆ-ն թոքերի արհեստական շնչառության սարքեր տրամադրում այլ երկրների
ԱՄՆ-ում սրճարանի հաճախորդը կրակել է՝ ի պատասխան դիմակ կրելու խնդրանքի

Գլխավոր թեմաներ