ԵՐԵՎԱՆ, 12 հունիսի – Sputnik. Համաշխարհային բորսաներում նավթի գները հունիսի 12-ի ցերեկը գրանցած աճից հետո, երեկոյան տատանվում են: ՌԻԱ Նովոստիի հաղորդմամբ՝ շաբաթվա սկզբից «սև ոսկին» էժանացել է գրեթե 9%–ով։
Տեղեկության համաձայն` տատանումները պայմանավորված են պահանջարկի վերաբերյալ մտավախություններով, որոնք կապված են կորոնավիրուսի համավարակի երկրորդ ալիքի ռիսկերի հետ։ Մոսկվայի ժամանակով ժամը 17։51-ի դրությամբ Brent տեսակի նավթային խառնուրդի օգոստոսյան ֆյուչերսների գինը աճում էր 0,16%–ով` հասնելով 1 բարելի դիմաց մինչև 38,61 դոլար, WTI տեսակի նավթի հուլիսյան ֆյուչերսները էժանանում էին 0,91%–ով` հասնելով մինչև 36,01 դոլար մեկ բարելի դիմաց։
Brent տեսակի նավթի արժեքը վերջին անգամ հունիսի 5-ին և 9-ին կարճ ժամանակով իջել էր 40 դոլարից մեկ բարելի դիմաց. պատճառը ՕՊԵԿ+–ի նիստից սպասելիքներն էին։
Կորոնավիրուսի տնտեսական հետևանքները. ինչ կլինի Հայաստանում և հարևան երկրներում
Ընթացիկ տարվա ապրիլին ՕՊԵԿ+–ը պայմանավորվել էր մասին մայիս–հունիս ամիսներին օրական 9,7 մլն բարելով նավթի արդյունահանումը կրճատել, երկրորդ կիսամյակում 7.7 մլն բարելով և 5.8 մլն բարելով դրանից հետո մինչև 2022 թվականի ապրիլի վերջ։ Հունիսի 6-ին ՕՊԵԿ+ երկրները պայմանավորվել են երկարացնել օրական 9.7 մլն բարել նավթի արդյունահանման ընթացիկ կրճատումները մինչև հուլիսի վերջ։
Կարանտինի թուլացման ֆոնին նավթի համաշխարհային գներն աճում են
Այդ որոշումից հետո աշխարհի խոշորագույն նավթ արտահանողներից մեկը` Սաուդյան Արաբիան, կտրւոկ բարձրացրեց նավթի հուլիսյան մատակարարումների գները։
