ԵՐԵՎԱՆ, 18 հունիսի — Sputnik. Չինացի և ամերիկացի գիտնականները կարծիք են հայտնել, որ մարդկանց մոտ երբեք COVID-19-ի դեմ հակամարմիններ չեն արտադրվի, քանի որ ապաքինվելուց անմիջապես հետո դրանք անհետանում են։ Այս տեղեկությունը հայտնում է South China Morning Post թերթը։
Նրանք եզրակացրել են սա հիմնվելով Ուհան քաղաքի բուժաշխատողների իմունիտետի ուսումնասիրությունների վրա։ Խոսքն այն բժիշկների մասին է, որոնք անմիջապես շփվել են պացիենտների հետ վարակի ի հայտ գալու սկզբնական փուլում։
Պարզվել է, որ 23 000 մարդուց միայն 4%-ը հակամարմիններ ունեն, ընդ որում՝ բուժաշխատողների 25% կարող էին վարակված լինել։
«Դժվար թե մարդկանց մոտ երկար ժամանակ այդ վարակի դեմ կարող են հակամարմիններ առաջանալ։ Բացի այդ, պարզվել է, որ վարակակիրների ավելի քան 10%-ի մոտ հակամարմիներրը կարող էին ապաքինվելուց հետո մեկ ամսվա մեջ վերանալ օրգանիզմից։
Մայիսին շվեդ գիտնականները կասկած էին հայտնել ընդհանուր իմունիտետի ձևավորման արդյունավետության մեջ։ Ապրիլի վերջին Ստոկհոլմի բնակչության միայն 7,3 տոկոսը կորոնավիրուսի դեմ հակամարմին ունեին։ Փորձագետներից շատերն ակնկալում էին, որ շատ ավելի մեծ թվով քաղաքացիներ իմունիտետ կունենան այդ հիվանդության դեմ։
«Ի՞նչն ենք սխալ անում». Նիկոլ Փաշինյանը հիասթափված է
Հունիսի սկզբին Իրկուտսկի պետական բժշկական համալսարանի համաճարակաբանության ամբիոնի վարիչ, բժշկական գիտությունների դոկտոր, պրոֆեսոր Ալեքսանդր Բոտվինկինը ասել է, որ հակամարմինների քանակն իր գագաթնակետին է հասնում երկրորդ, երրորդ ամսվա մեջ ու մեկ տարի կամ ավելի պահպանվում է օրգանիզմում։
