11:52 09 օգոստոսի 2020
Ուղիղ եթեր
  • USD485.00
  • GBP634.96
  • EUR573.17
  • RUB6.58
Աշխարհ
Ստանալ կարճ հղումը
4301

Ազգային անվտանգության գծով խորհրդականը միաժամանակ հիշեցնում է, որ Թրամփն ԱՄՆ–ից ավելի քան 60 ռուսաստանցի դիվանագետ է արտաքսել։

ԵՐԵՎԱՆ, 23 հունիսի – Sputnik. Ազգային անվտանգության գծով ԱՄՆ նախագահի նախկին խորհրդական Ջոն Բոլտոնը կարծում է, որ Դոնալդ Թրամփի անձնական վերաբերմունքը ռուս գործընկերոջը միշտ էլ հանելուկ  է եղել։  Այս մասին նա գրել է իր` «Սենյակը, որտեղ դա տեղի է ունեցել. հուշեր Սպիտակ տնից» գրքում: Տեղեկությունը հայտնում է ՌԻԱ Նովոստին։

«Ես երբեք չեմ հարցրել, թե ինչ է կարծել Թրամփը, հավանաբար, մտավախություն ունենալով, թե ինչ կարող եմ լսել։ Ռուսաստանի առաջնորդի նկատմամբ նրա անձնական վերաբերմունքը հանելուկ էր մնում», – գրել է նա։

Նախկին խորհրդականը նշում է նաև, որ իրեն մտահոգել է այն շնորհավորանքը, որը Թրամփն ուղղել է Պուտինին 2018 թվականի ընտրություններում հաղթանակ տանելու կապակցությամբ։ Ըստ նրա` Թրամփն այդ հարցում բավական կոշտ տեսակետ է ունեցել։

«Այնպես որ, մտահոգիչ էր ընթերցելն այն, որ Թրամփը Մաքմասթերի (ազգային անվտանգության գծով նախկին խորհրդական Հերբերտի) խորհրդով շնորհավորել է Պուտինին Ռուսաստանի նախագահի ընտրություններում տարած «հաղթանակի» կապակցությամբ»,– գրել է Բոլտոնը։

Միևնույն ժամանակ ազգային անվտանգության գծով խորհրդականը հիշեցնում է, որ Թրամփն ԱՄՆ–ից ավելի քան 60 ռուսաստանցի դիվանագետ է արտաքսել։

Պուտինի մամուլի քարտուղարը պատասխանել է Բոլտոնի սկանդալային գրքին վերաբերող հարցին

ABC News–ին տված հարցազրույցում Բոլտոնը հայտարարել է, որ Ռուսաստանի նախագահն ավելի լավ էր նախապատրաստվում հանդիպումներին և բանակցություններին, քան նրա ամերիկյան գործընկերը։

«Պուտինը հանդիպումներին սպառիչ էր պատրաստվում։  Նա գիտի այն մարդկանց, ում հետ զրույց է վարում։ Նա գիտի, թե ինչպես կարող է հասնել նպատակներին։ Նա միշտ ծրագիր ունի, որին հետևում է», – ասել է Թրամփի նախկին խորհրդականը։

Բոլտոնի խոսքով` բանակցություններին նախապատրաստվելու նման մակարդակը, ինչպես նաև դրանց պլանավորումը  «Դոնալդ Թրամփին բնորոշ չէ»։

Ավելի վաղ Թրամփը խիստ քննադատության էր ենթարկել  ազգային անվտանգության գծով իր նախկին խորհրդականին` նրան «խելացնոր հիմար» անվանելով։ Թրամփն այդ մասին գրել էր Twitter–ի իր էջում Բոլտոնի գրքի լույս տեսնելուց առաջ։

Բոլտոնը պաշտոնը լքելուց հետո ԶԼՄ–ներին ներկայացրել էր «Սենյակը, որտեղ դա տեղի է ունեցել. հուշեր Սպիտակ տնից» իր գրքի  ձեռագրի մի մասը, որում, մասնավորապես, ասվում էր, որ Թրամփը շանտաժի էր ենթարկում Ուկրաինայի նախագահին։

«Մենք այդ ցուցանիշով առաջինն ենք»․ Պուտինը՝ նոր սպառազինության մշակումների մասին

Ըստ թեմայի

Թրամփն ասել է՝ ինչու է ԱՄՆ-ն թոքերի արհեստական շնչառության սարքեր տրամադրում այլ երկրների
Ո՞վ է կորոնավիրուսի մեղավորը. Թրամփը գիտի պատասխանը, մնացինք մենք
«Ձեր սխալները թանկ նստեցին աշխարհի վրա». Թրամփը վերջնագիր է ներկայացրել ԱՀԿ-ին
Թրամփն ընդունել է Գերմանիայի կապիտուլյացիայի լուրն ուղարկած 97-ամյա Գրեգորի Մելիքյանին
թեգերը:
խորհրդական, գիրք, Վլադիմիր Պուտին, Ջոն Բոլտոն, Դոնալդ Թրամփ

Գլխավոր թեմաներ