ԵՐԵՎԱՆ, 22 հուլիսի – Sputnik. Ուկրաինայի Լուցկ քաղաքում ավտոբուս առևանգած Մաքսիմ Կրիվոշն ազատ է արձակել պատանդներին։ Տեղեկությունը հայտնում է ՌԻԱ Նովոստին։
Ավելի վաղ հայտնել էինք, որ Ուկրաինայի նախագահ կատարել է ահաբեկչի պահանջը և «Երկրաբնակները» ֆիլմը դիտելու կոչով տեսաուղերձ է ձայնագրել։
Նշվում է, որ ահաբեկչին բռնել են ավտոբուսի գրոհի ժամանակ հատուկ ստորաբաժանումների ուժայինները։ Լրագրող Անատոլի Շարին իր Telegram ալիքում գրել է, որ հատուկ գործողությունների ժամանակ պայթյուն և կրակոցներ են լսվել։
Ավելի վաղ զինված տղամարդը ավտոբուսի ուղևորներին պատանդ էր վերցրել և սպառնում էր պայթեցնել այն. հանցագործը հայտնել էր, որ իր մոտ նռնակ և այլ զենք կա։ Քաղաքի կենտրոնը շղթայված է, տեղում հատուկ նշանակության ջոկատներ են աշխատում։