23:54 25 հունվարի 2021
Ուղիղ եթեր
  • USD518.36
  • GBP708.60
  • EUR629.39
  • RUB6.88
Աշխարհ
Ստանալ կարճ հղումը
43 0 0

Մթերքում հակաբիոտիկների պարունակությունն ավելի խիստ կկարգավորվի, կխստացվի նաև նոր դեղորայքի գրանցումը։

ԵՐԵՎԱՆ, 23 հուլիսի– Sputnik. 2021 թվականից ԵԱՏՄ երկրներում ավելի խիստ կհետևեն սննդամթերքի մեջ հակաբիոտիկների պարունակությանը։ Տեղեկությունը Sputnik Արմենիա մուլտիմեդիոն մամուլի կենտրոնում Մոսկվա-Բիշքեկ-Երևան-Մինսկ առցանց տեսակապի ժամանակ հայտնեց Եվրասիական տնտեսական հանձնաժողովի տեխնիկական կարգավորման խորհրդի անդամ (նախարար) Վիկտոր Նազարենկոն:

Այժմ ԵԱՏՄ-ում արդեն կարգավորվում է հակաբիտիկների պարունակությունը առաջնային, այսինքն` չմշակված սննդամթերքում։ Ենթադրվում է, որ առաջնային մթերքն ամբողջովին վերահսկելու դեպքում վերամշակված ապրանքը հսկելու անհրաժեշտություն չի առաջանա։ Հիմա քննարկվում է նման մոտեցման ճիշտ լինելն ու վերամշակված մթերքի առանձին հսկողության անհրաժեշտությունը։

Եվրասիական միջկառավարական խորհուրդը որոշում է կայացրել հետևել դեղորայքին, որը կիրառվում են մոտ երկու հազար անասնաբուժական հակաբիոտիկներում։ Այժմ 72 ակտիվ նյութից կազմված ցուցակ է քննարկվում։

Դա չի նշանակում, որ մնացած բոլոր հակաբիոտիկները թույլատրվելու են։ Սակայն եթե որևէ մեկը ցանկանա նոր դեղորայք ներմուծել, պետք է տեղեկություն ներկայացնի դրա բաղադրության վերաբերյալ, հիմնավորի դրա առավելագույն պարունակությունը մթերքի մեջ, նաև նշի՝ ինչ միջոցով են կիրառում դա մթերքի մեջ։

Մեղր և միս ուտելիս հակաբիոտի՞կ ենք «ընդունում». ինչ կտա «Կերի մասին» օրենքի փոփոխությունը

Նշենք՝ սննդամթերքում հակաբիոտիկների պարունակությունը կարգավորվում է, քանի որ եթե դրանք չափից շատ են մարդու օրգանիզմ մտնում, հիվանդանալու դեպքում նա կորցնում է դրանց ընկալունակությունը (դրանք դադարեցնում են օրգանիզմի վրա թերապևտիկ ազդեցություն գործել)։

Ըստ թեմայի

Հայաստանի 1000 խոշոր հարկատուները. ՊԵԿ-ը հրապարակել է ցանկը
Հայաստանը դիմել է ՌԴ և ԵԱՏՄ գործընկերներին՝ հայկական ծիրանի վաճառքն արգելելու հարցով
Հունիս. սննդամթերքի գները Հայաստանում
թեգերը:
Սննդամթերք, հակաբիոտիկ, Եվրասիական տնտեսական միություն (ԵԱՏՄ), կաթ, Միս

Գլխավոր թեմաներ