16:55 11 օգոստոսի 2020
Ուղիղ եթեր
  • USD485.32
  • GBP635.72
  • EUR572.14
  • RUB6.66
Աշխարհ
Ստանալ կարճ հղումը
565 0 0

Բլոգերի կարծիքով՝ երբ ցույցի անցկացման վայր է ընտրվել ոչ թե քաղաքի կենտրոնը, ոչ թե ինչ-որ հրապարակ, այլ հենց հայկական եկեղեցին, դա արդեն սադրանք է։

ԵՐԵՎԱՆ, 2 օգոստոսի - Sputnik. Ադրբեջանական կառավարությունը հերթական սադրանքի փորձն է անում, այս անգամ Իսրայելում։ Հայտնի բլոգեր Ալեքսանդր Լապշինը Facebook-ի իր էջում Իսրայելի ադրբեջանաբնակ համայնքի շրջանում տարածվող թռուցիկի լուսանկար է տեղադրել։ Թռուցիկում ադրբեջանցիներին կոչ են անում օգոստոսի 9-ին միանալ Թել Ավիվի հայկական եկեղեցու մոտ կազմակերպվող ցույցին։ Լապշինի կարծիքով՝ սա Մոսկվայում հայերի դեմ ուղղված հարձակումներն ու անկարգությունները նաև Իսրայելում տարածելու փորձ է։

«Կարծում եմ, որ ժողովրդավարական երկրում ցանկացած համայնք իր կարծիքն արտահայտելու, խաղաղ ցույցի, իր պահանջների մասին բարձրաձայնելու իրավունք ունի։ Բայց երբ ցույցի անցկացման վայր է ընտրվել ոչ թե քաղաքի կենտրոնը, ոչ թե ինչ-որ հրապարակ, այլ հենց հայկական եկեղեցին, դա սադրանքի ուղիղ ճանապարհ է։ Դա նշանակում է, որ բազմաթիվ մահմեդական ադրբեջանցիներ ցույցի են դուրս գալու հայկական եկեղեցու մոտ, որը պաշտպանելու համար մեծ թվով քրիստոնյաներ են գալու։ «Տաք գլուխներ» կան բարիկադների երկու կողմերում էլ, իսկ այն կողմում նաև Բաքվից են հուշում։ Կարծում եմ՝ դա սխալ է։ Չի կարելի դիպչել կրոնին, չի կարելի եկեղեցին, մզկիթը կամ սինագոգը դարձնել հարաբերությունները պարզելու և սադրանքների վայր»,- գրել է Լապշինը։

Նա նշել է, որ Իսրայելի հայ համայնքի փոխարեն ինքը կդիմեր իսրայելական ոստիկանությանը՝ խնդրելով արգելել եկեղեցու մոտ հավաք անցկացնելը՝ խուսափելով կրոնական անհանդուրժողականության դրսևորումից։ Բլոգերը վստահ է՝ քրիստոնյաներն ու մահմեդականները չպետք է դեմ առ դեմ հայտնվեն հարաբերություններ պարզելու համար։ Այլապես դա արդեն ոչ թե ժողովրդավարություն է, այլ դեպի քաոս տանող ճանապարհ։

Լապշինի կարծիքով՝ Իսրայելի կրոնական գործիչները պետք է դատապարտեն հանրահավաքի վայրի ընտրությունը։

«Թել Ավիվ-Յաֆոն միշտ եղել է հրեաների, մահմեդականների և քրիստոնյաների խաղաղ գոյակցության խորհրդանիշ։ Չի կարելի թույլ տալ, որ Բաքվի ակտիվիստները խախտեն հավասարակշռությունը և կրոնական ատելություն բերեն քաղաք»,- հավելել է բլոգերը։

Ադրբեջանում ԱՄՆ դեսպանին ԱԳՆ են կանչել Լոս Անջելեսի «դաշնակցականների պատճառով»

Նա իսրայելահայերին խորհուրդ է տվել բարոյապես պատրաստ լինել ադրբեջանական կողմից վանդալիզմի գործողություններին։ Նա չի բացառում նաև համայնքի ակտիվիստների դեմ հարձակումները։ Լապշինը մտահոգ է՝ հարձակումներն ու վանդալիզմի փորձերը կարող են հայկական այլ կառույցների ուղղությամբ էլ լինել, այդ թվում՝ հուշարձանների, գերեզմանատան։

«Ծիրանային պատերազմն» ու ՌԴ-ի հայերի միասնությունը. տրամադրություն բարձրացնող ֆոտոշարք

Ըստ Լապշինի՝ պատահական չի եղել նաև հանրահավաքի օրվա ընտրությունը. օգոստոսի 9-ին Բելառուսում նախագահական ընտրություններ են։ Լապշինը վստահ է՝ թեժ է լինելու ոչ միայն Թել Ավիվում, այլև՝ Մինսկում։

Ըստ թեմայի

Աբրահամյանը հայ համայնքի հետ քննարկել է Մոսկվայում ադրբեջանցիների հետ ընդհարումների հարցը
Սահակ Մաշալյանը ստիպված կլինի վերականգնել վստահությունն ու միավորել Թուրքիայի հայ համայնքը
ԱՄՆ-ում պղծել են հայկական խաչքարը. հայ համայնքը դժգոհություն է հայտնում
«Մենք երեք բան ենք ուզում». Արա Աբրահամյանը ներկայացրել է հայ համայնքի դիրքորոշումը
թեգերը:
Եկեղեցի, Ալեքսանդր Լապշին, Բլոգեր, Ոստիկանություն, Բելառուս, Բողոքի ակցիա, Իսրայել, Բաքու, Իլհամ Ալիև

Գլխավոր թեմաներ