14:40 18 սեպտեմբերի 2020
Ուղիղ եթեր
  • USD484.40
  • GBP628.46
  • EUR571.59
  • RUB6.46
Աշխարհ
Ստանալ կարճ հղումը
1169 0 0

Մեղվի նեկտարի օգտակարության և վնասակարության մասին ուշագրավ տեղեկություններին ծանոթացեք Sputnik Արմենիայի հոդվածում։

Հիպոկրատի ժամանակներից սկսած մեղրը համարվում է մարդկության գլխավոր դեղամիջոցներից մեկը. իզուր չէ, որ հին փիլիսոփան կոչ էր անում այն օգտագործել ամեն օր։ Հետաքրքիր է, որ մեղվի նեկտարն օգտագործում են ոչ  միայն ժողովրդական, այլև գիտական բժշկության մեջ։ Մեղրը հայտնի է իր հրաշագործ հատկություններով և դրական ազդեցություն ունի մեր օրգանիզմի վրա:

Բայց արդյո՞ք ամեն ինչ այդքան հեշտ է՝ փորձել է պարզել Sputnik Արմենիան։

Մեղրի օգտակար հատկությունները

Բժշկության ոլորտի մասնագետները մշտապես վիճում են, թե որ մեղրն է առավել օգտակար և որը վնասակար։ Անվիճելի է, որ բուժիչ հատկություններով օժտված է միայն բնական մեղրը։

Вафли с черникой
Հապալաս և վաֆլի

Մեղրը օժտված է հակամանրէային և հակավիրուսային հատկություններով։ Նեկտարը հսկայական քանակությամբ կալիում է պարունակում, որը հիանալի միջոց է մանրէների դեմ։ Բացի այդ, մեղրի մեջ բարձր է պղնձի և երկաթի խտությունը, որն օգնում է բուժել անեմիան և բարձրացնել հեմոգլոբինը։

Фестиваль сельской жизни в Ереване
© Sputnik / Asatur Yesayants
Մեղր

Մեղրով կաթը մեր մայրիկների ու տատիկների հին բաղադրատոմսն է․ փոքր ժամանակ հենց այդ ըմպելիքով էին բուժում հազը։ Այն օգնում է պայքարել ուժասպառության, էմոցիոնալ լարվածության և անքնության դեմ։ Իսկ կոճապղպեղով և կիտրոնով մեղրաջուրը կօգնի սրտխառնոցի դեպքում և կկարգավորի ստամոքսի աշխատանքը։

Фестиваль меда и ягод в Шамшадине, Армения
© Sputnik / Aram Nersesyan
Մեղրով լի տարաներ

Մեղրը սիրում են բոլոր նրանք, ովքեր հոգ են տանում ոչ միայն իրենց առողջության, այլև գեղեցկության համար։ Այն հաճախ են օգտագործում կոսմետիկ նպատակով, իսկ մեղրից և բնական յուղերից դիմակները կարող են իսկական հրաշքներ գործել։ Ահա թե ինչու բազմաթիվ կոսմետիկ ընկերություններ արտադրում են մեղրի հիմքով խնամքի միջոցներ։

Приготовление пахлавы в Гаваре
© Sputnik / Aram Nersesyan ,
Մեղրով ու ընկույզով փախլավա

Չնայած բարձր կալորիականությանը և շաքարի մեծ քանակությանը, սննդաբանները խորհուրդ են տալիս սննդակարգում մեղր ներառել։ Մեղրը քայքայում է ճարպը և օգնում է պայքարել ավելորդ սանտիմետրերի դեմ։

Հակացուցումները

Այնուամենայնիվ, չի կարելի մոռանալ այս քաղցր մթերքի բացասական հատկությունների մասին։ Դրանցից ամենավտանգավորը ալերգիան է։ Բացի քորի և ցանի տեսքով տիպիկ ռեակցիայից, այն կարող է արտահայտվել նաև ստամոքսի խանգարմամբ։

Мед
© CC0 / Pixabay / stevepb
Մեղր

Հղի կանայք և կերակրող մայրերը նույնպես մեղր օգտագործելուց առաջ պետք է խորհրդակցեն բժշկի հետ։ Անգամ,  եթե ապագա մայրիկը երբևէ ալերգիա չի ունեցել, ապա դա չի նշանակում, որ այն չի կարող ի հայտ գալ երեխայի մոտ։ Բժշկի հետ պետք է խորհրդակցեն նաև շաքարային դիաբետ, պանկրեատիտ և ստամոքսի բարձր թթվայնություն ունեցողները։

Մեղրը բացասաբար կարող  է առավել արտահայտիչ դարձնել կուպերոզ կամ վնասված և լայնացած մազանոթները։ Պատճառն այն է, որ մեղրն արագացնում է արյան շրջանառությունը և ծանրաբեռնում փխրուն անոթները։

Ըստ թեմայի

Ի՞նչ է կատարվում օրգանիզմում, երբ մոշ ենք ուտում
Ի՞նչ է կատարվում օրգանիզմում, երբ դդմիկ ենք ուտում
Ի՞նչ է տեղի ունենում օրգանիզմում, երբ դեղձ ենք ուտում
Ի՞նչ է կատարվում օրգանիզմում, երբ սմբուկ ենք ուտում
թեգերը:
հղի, օրգանիզմ, մեղր

Գլխավոր թեմաներ