Երևան, 9 Օգոստոս - Sputnik. Լիբանանյան բանակն ազատագրել է արտաքին քաղաքական գերատեսչության շենքը, որը զբաղեցնում էին հակակառավարական ցույցի մասնակիցները: Տեղեկությունը հաղորդում է «ՌԻԱ Նովոստին»՝ վկայակոչելով անվտանգության մարմիններում իր աղբյուրին:
Մի քանի հազար մարդ օգոստոսի 8-ին դուրս էր եկել հակակառավարական ցույցի ՝ պահանջելով նախարարների կաբինետի հրաժարականը: Լիբանանի օրենսդիր մարմնի շենքի դիմաց բողոքի ակցիան վերածվել է ոստիկանության հետ բախումների։ Իրավապահները կիրառել են արցունքաբեր գազ, փորձելով հետ մղել մարդկանց: Խորհրդարանի շենքի մոտ հավաքված ցուցարարները սկսել են քարեր նետել ոստիկանների ուղղությամբ:
Ավելի ուշ ցուցարարներին հաջողվել է ներխուժել արտաքին գործերի, էկոնոմիկայի, շրջակա միջավայրի և էներգետիկայի նախարարությունների շենքեր:
Բեյրութում ցուցարարները 2 նախարարություն են ներխուժել, տուժածների թիվը հասել է 172–ի
Վերջին տվյալներով՝ Լիբանանի մայրաքաղաքում բախումների հետևանքով տուժել է 490 մարդ։ Ներքին գործերի նախարարությունը հայտնել է, որ անկարգությունների հետևանքով անվտանգության ուժերի աշխատակից է զոհվել: