17:51 29 սեպտեմբերի 2020
Ուղիղ եթեր
  • USD487.62
  • GBP626.93
  • EUR570.03
  • RUB6.14
Աշխարհ
Ստանալ կարճ հղումը
135 0 0

Նախօրեին հունական ԶԼՄ–ները հայտնել էին, որ Հունաստանի զինված ուժերում տագնապ է հայտարարվել` Հռոդոս և Կաստելորիզո կղզիների միջև ընկած հատվածում Թուրքիայի զորավարժություններ անցկացնելու մտադրության հետ կապված։

ԵՐԵՎԱՆ, 10 օգոստոսի – Sputnik. Հունաստանի ազգային անվտանգության խորհրդի նիստը կանցկացվի այսօր վարչապետ Կիրիակոս Միցոտակիսի նստավայրում։ Տեղեկությունը հայտնում է ՌԻԱ Նովոստին` հղում անելով վարչապետի մամուլի ծառայությանը։

«Ազգային անվտանգության խորհրդի նիստը կանցկացվի այսօր, ժամը 12.00-ին, Մաքսիմի պալատում վարչապետ Կիրիակոս Միցոտակիսի ղեկավարությամբ», – գրված է հաղորդագրության մեջ։

Նիստի թեման հայտնի չէ։ Սակայն կիրակի երեկոյան հունական ԶԼՄ–ները հայտնել էին, որ Հունաստանի ԶՈւ–ում տագնապ է հայտարարվել` կապված Հռոդոս և Կաստելորիզո կղզիների միջև ընկած հատվածում Թուրքիայի` զորավարժություններ անցկացնելու մտադրության հետ։ Հետաձգվել են գրեթե բոլոր ստորաբաժանումների արձակուրդները, բանակը ամբողջական մարտական պատրաստվածության է բերված։

Հարաբերությունների հերթական սրացման պատճառ է դարձել ծովային գոտիների սահմանազատման մասին Հունաստանի և Եգիպտոսի միջև կնքած համաձայնագիրը և անմիջապես դրանից հետո Թուրքիայի որոշումը` Միջերկրական ծովում վերականգնել մինչ այդ կասեցված ածխաջրածնային հանքի հետախուզական հորատումը։

Կիպրոսում և Հունաստանում սգո զանգեր են ղողանջել Սուրբ Սոֆիայի տաճարի համար. տեսանյութ

Բացի այդ Թուրքիան տեղեկացրել է նաև Միջերկրածովյան ավազանի արևելյան հատվածում ծովային զորավարժություններ անցկացնելու ծրագրերի մասին։ Անկարան անօրինական է համարում Հունաստանի և Եգիպտոսի միջև կնքած համաձայնագիրը։ Թուրքիան հայտարարել է, որ Հունաստանը Եգիպտոսի հետ համաձայնագրում նշված ծովային գոտիների նկատմամբ որևէ իրավունք չունի։

Ըստ թեմայի

Սեպտեմերիանա. ինչպես հույներին վտարեցին Թուրքիայից
Իսլամիստները «Թալիբան» շարժման դրոշն են պարզել Սուրբ Սոֆիայի տաճարում․ տեսանյութ
Իտալիայի խորհրդարանը կողմ է քվեարկել ՀՀ-ԵՄ գործընկերության համաձայնագրին
թեգերը:
Վարչապետ, Անվտանգության խորհուրդ, Թուրքիա, Հունաստան

Գլխավոր թեմաներ