ԵՐԵՎԱՆ, 13 օգոստոսի – Sputnik. Facebook ընկերությունը մեղադրվում է Instagram սոցցանցի ավելի քան 100 մլն օգտատիրոջ կենսաչափական տվյալներ հավաքելու համար, հայտնում է Business Insider պարբերականը։
Ընկերության դեմ ներկայացված հայցի համաձայն` Instagram–ում կա գործիք, որը կիրառում է դեմքերի ճանաչման համակարգն ու ստեղծում «դեմք շաբլոնը», որ հետագայում պահում է իր տվյալների բազայում։ Սոցցանցին մեղադրում են նրանում, որ նա ավտոմատ սքանավորում է օգտատերերի լուսանկարներում առկա մարդկանց դեմքերը, որոնք նույնիսկ կարող է Instagram չեն օգտագործում։
«Facebook–ը հավաքում է Instagram–ի օգտատերերի պաշտպանված կենսաչափական տվյալները և օգտագործում դրանք` կատարելագործելու համար մարդկանց դեմքերի ճանաչման հնարավորությունները սեփական պրոդուկտներում` այդ թվում Facebook–ի հավելվածում, և այդ տեղեկությամբ տրամադրում տարբեր սերվիսների։ Facebook–ը դա անում է անհրաժեշտ ծանուցում և տեղեկություն չտրամադրելով` ինչը պահանջում է Իլինոյսի օրենքը», – պարբերականը մեջբերում է հայցադիմումի տեքստը։
Պարբերականի տվյալներով` Իլինոյս նահանգի օրենքով Facebook–ը ստիպված կարող է լինել խախտման համար վճարել 1-5 հազար դոլար, այդպիսով ընդհանուր գումարը, որ կարող են պահանջվել վճարել ընկերությունից, կարող է կազմել մինչև 500 մլրդ դոլար։
Ոչ մի բացառություն ԶԼՄ-ների ու քաղաքական գործիչների համար․ Facebook-ը փոխում է կանոնները
Facebook–ի ներկայացուցիչ Ստեֆանի Օթուեյը հերքում է հայցադիմումի մեջ ներկայացված մեղադրանքները։
«Հայցն անհիմն է։ Instagram–ը դեմքերի ճանաչման տեխնոլոգիա չի կիրառում», – հայտարարել է Օթուեյը։