ԵՐԵՎԱՆ, 16 Օգոստոս — Sputnik. Կյանքից հեռացել է ԱՄՆ նախագահ Դոնալդ Թրամփի կրտսեր եղբայրը՝ Ռոբերտ Թրամփը։ Տեղեկությունը հաստատել են Սպիտակ տնից, գրում է Foxnews–ը։ Ռոբերտ Թրամփը 71 տարեկան էր։ Նա առողջական խնդիրներ ուներ։ Նրա մահը գրանցվել է շաբաթ երեկոյան` օգոստոսի 15–ին։
«Ծանր սրտով հայտնում եմ, որ իմ սիրելի եղբայր Ռոբերտը մահացել է այսօր երեկոյան», - գրել է նախագահը Թրամփը: Նա պարզապես իմ եղբայրը չէր, նա նաև իմ լավագույն ընկերն էր: Ես շատ կկարոտեմ նրան, բայց մենք դեռ կրկին կհանդիպենք։ Նրա հիշատակը հավերժ կապրի իմ սրտում։ Ռոբերտ, ես սիրում եմ քեզ։ Հանգչի՛ր խաղաղությամբ»։
Նշենք, որ ուրբաթ նախագահը Թրամփը մեկնել էր Նյու Յորք՝ այցելելու իր հիվանդ եղբորը։ Նրա վարչակազմի բարձրաստիճան պաշտոնյան լրատվամիջոցին ասել է, որ նախագահը «շատ լավ հարաբերություններ ունի իր եղբոր հետ, և որ Ռոբերտը հատուկ է տեղ էր զբաղեցնում նրա կյանքում»։
Ռոբերտը, որ 11 օր հետո կդառնար 72 տարեկան, ավելի քան մեկ շաբաթ անցկացրել է Նյու Յորքի հիվանդանոցներից մեկի ինտենսիվ թերապիայի բաժանմունքում:
Ռոբերտ Թրամփը Թրամփ ընտանիքի հինգ զավակներից ամենափոքրն է. Մարիաննա Թրամփ Բարրին` ավագ քույրը, 83 տարեկան է, 2–րդ եղբայրը պաշտոնաթող դաշնային դատավոր Ֆրեդ Թրամփ կրտսերն է, որը մահացել է 1981 թվականին, 43 տարեկան հասակում, Էլիզաբեթ Թրամփ Գրաուն 78 տարեկան է, ապա Դոնալդը` 74 տարեկան, և նրան հաջորդում է Ռոբերտը:
Թրամփին պատմել են ռուսական պատվաստանյութի մասին
Ինչպես իր նախագահ եղբայրը, Ռոբերտ Թրամփը ևս ընտանեկան բիզնեսի մասնակից էր, նա Trump Organization-ի թոփ մենեջերն էր:
