04:30 27 փետրվարի 2021
Ուղիղ եթեր
  • USD527.96
  • GBP736.03
  • EUR640.20
  • RUB7.08

ԱՄՆ–ն չի կարող որևէ բան պարտադրել Իրանին. Իսկանդարյան

Աշխարհ
Ստանալ կարճ հղումը
80 0 0

Իրանագետ Գոհար Իսկանդարյանը Sputnik Արմենիայի եթերում անդրադարձել է Իրանի իսլամական հանրապետության նկատմամբ պատժամիջոցների վերականգնման խնդրին։ 

Իսկանդարյան. «ՄԱԿ–ի Անվտանգության խորհրդում Իրանի դեմ ԱՄՆ-ի ծրագրերն ուղղակի տապալվելու են»

Իրանագետ Գոհար Իսկանդարյանի դիտարկմամբ` իրականում ստեղծվել է այնպիսի իրավիճակ, որ ԱՄՆ–ն ինքնակամ դուրս է եկել այն պայմանագրից, որը 2015թ.–ին կնքվել էր Իրանի ու «վեցնյակի» միջև, հետևաբար հիմա չի կարող որևէ բան պարտադրել կամ թելադրել Իրանին կամ որևէ բան պահանջել այդ երկրից։

«Խնդիրն այն է, որ ԱՄՆ–ն ցանկանում է կյանքի կոչել ՄԱԿ–ի Անվտանգության խորհրդի 2231–րդ բանաձևը, որի համաձայն` եթե Իրանը շեղվի պայմանագրի կնքումից, ապա նրա նկատմամբ կարող են կիրառվել պատժամիջոցներ։ Բայց փաստ է նաև այն, որ ՄԱԳԱՏԵ–ն ու մյուս երկրները հավաստում են պայմանագրից Իրանի չշեղվելու իրողությունը, և այն որ այդ երկիրը խախտումներ չի իրականացրել»,– Sputnik Արմենիայի հետ զրույցում ասաց նա։

Իսկանդարյանի պնդմամբ` դրանով է պայմանավորված նաև այն հանգամանքը, որ օգոստոսի 4-ին ՄԱԿ–ի Անվտանգության խորհրդում ԱՄՆ–ն վերստին բարձրացրեց Իրանի նկատմամբ զենքի էմբարգոյի հարցը, բայց տասն օր անց նախաձեռնությունը տապալվեց, քանի որ Ռուսաստանն ու Չինաստանը կիրառեցին վետոյի իրենց իրավունքը։ 

«ԱՄՆ–ն կարող է տարբեր տեսակի փորձեր կատարել, սակայն միևնույն է, Ռուսաստանի ու Չինաստանի դիրքորոշումը դրանից չի փոխվելու։ Մնում է, որ Միացյալ Նահանգները միակողմանի կամ իր դաշնակիցների հետ համատեղ որոշակի գործողություններ ծավալի Իրանի Իսլամական հանրապետության նկատմամբ»,– նշեց իրանագետը։ 

Ըստ նրա` ԱՄՆ–ն այդուհանդերձ իր հետագա բոլոր ծրագրերը պետք է համաձայնեցնի ՄԱԿ–ի Անվտանգության խորհրդի ներկայացուցիչների հետ։ Բացի դրանից, բարդ հարաբերություններ են ստեղծվել Դոնալդ Թրամփի ու Մեծ Բրիտանիայի վարչապետի միջև, լարվածություն կա նաև ԱՄՆ–ի նախագահի, Չինաստանի և Ռուսաստանի ղեկավարների միջև, ինչն իրանագետին հիմք է տալիս եզրակացնելու, որ Անվտանգության խորհրդում ԱՄՆ–ի ներկայացրած ծրագրերն ուղղակի տապալվելու են։

Հիշեցնենք՝ ԱՄՆ–ի պետքարտուղար Մայք Պոմպեոյի խոսքով՝ բոլոր պատժամիջոցները վերականգնվելու են, իսկ աշխարհն ավելի անվտանգ է դառնալու, քանի որ իրանցիները չեն կարողանա ստանալ ՀՕՊ ռուսական միջոցներ, չինական տանկեր ու այն ամենը, ինչը սպառնում է Մերձավոր Արևելքի խաղաղությանն ու անվտանգությանը։ 

Հայաստանը ՄԱԳԱՏԷ–ից 2000 «միջուկային» թեստ կստանա

Ըստ թեմայի

Արմեն Սարգսյանը ՄԱԳԱՏԷ-ի տնօրենին հրավիրել է Երևան
Կադիրովն ասել է, որ Չեչնիայի բնակիչներն իր հետ միասին ուզում են պատժամիջոցների ենթարկվել
Հայկական ԱԷԿ-ի դիագնոստիկան ավարտվել է, վերջին խոսքը ՄԱԳԱՏԷ–ինն է
ՄԱԿ-ի գլխավոր քարտուղարն աջակցություն է հայտնել Սլուցկու` պատժամիջոցները չեղարկելու կոչին
թեգերը:
Դոնալդ Թրամփ, ՄԱԳԱՏԷ, պատժամիջոցներ, Գոհար Իսկանդարյան, Իրանի Իսլամական Հանրապետություն, ԱՄՆ

Գլխավոր թեմաներ