ԵՐԵՎԱՆ, 23 օգոստոսի — Sputnik. Ուկրաինայի Գերագույն ռադայի պատգամավոր և «Բատկիվշչինա» կուսակցության առաջնորդ Յուլյա Տիմոշենկոն վարակվել է կորոնավիրուսով։ Լուրը Facebook սոցցանցի իր էջում հայտնել է քաղաքական գործչի մամուլի քարտուղար Մարինա Սորոկան։
«Այո, ցավոք, դա ճիշտ է։ Թեստը ցույց է տվել, որ Յուլյա Վլադիմիրովնան COVID-19 ունի»,–գրել է Սորոկան։
Տիմոշենկոյի վիճակը գնահատվում է ծանր։ Նա ջերմում է, ջերմությունը բարձրանում է մինչև 39 աստիճան։ Տիմոշենկոն պայքարում է։
Կորոնավիրուսով են վարակվել նաև Տիմոշենկոյի ամուսինը` Արթուր Չեչետկինը և նրանց դուստրը ՝ Եվգենյա Տիմոշենկոն։
