ԵՐԵՎԱՆ, 1 սեպտեմբերի — Sputnik. «Ռոմա» ֆուտբոլային ակումբը Facebook-ի իր էջում տեսանյութ է հրապարակել, որում ամփոփված են Հայաստանի հավաքականի ավագ և «Ռոմայի» կիսապաշտպան Հենրիխ Մխիթարյանի բոլոր գոլերն ու գոլային փոխանցումները:
«Հենրիխ Մխիթարյանի բոլոր գոլերն ու գոլային փոխանցումներն անցած մրցաշրջանում», - գրել են տեսանյութին կից:
Ավելի վաղ Մխիթարյանը Twitter-ի իր էջում հայտնել էր, որ արդեն պաշտոնապես մշտական պայմանագիր է կնքել իտալական «Ռոմայի» հետ:
Նա հատուկ շնորհակալություն էր հայտնել Արսեն Վենգերին` իրեն թիմ բերելու և մշտապես վստահելու համար։Լոնդոնյան «Արսենալն» էլ, որի խաղացողն էր Մխիթարյանը, հայտնում է, որ գործող պայմանագիրը երկկողմանի խզվել է կողմերի համաձայնությամբ։
Գնահատենք ու հպարտանանք. Վարդան Մինասյանը Հենրիխ Մխիթարյանի հետ լուսանկար է հրապարակել
Հիշեցնենք` Մխիթարյանն «Արսենալ» էր տեղափոխվել 2018 թվականի հունվարին և 4 տարվա պայմանագիր կնքել «զինագործների հետ»։ 2019 թվականի սեպտեմբերին հայտնի դարձավ, որ նա վարձակալության իրավունքով տեղափոխվել է «Ռոմա»։
«Արսենալի» կազմում Մխիթարյանը անցկացրել էր 59 հանդիպում և դարձել 9 գոլի ու 13 գոլային փոխանցման հեղինակ:
