06:39 29 հոկտեմբերի 2020
Ուղիղ եթեր
  • USD492.71
  • GBP638.90
  • EUR578.69
  • RUB6.31
Աշխարհ
Ստանալ կարճ հղումը
53 0 0

Լեոնիդ Ռինկը կարծում է, որ Նավալնու ախտանշանները վկայում են պանկրեատիտի (ենթաստամոքսային գեղձի բորբոքում) նոպայի մասին։

ԵՐԵՎԱՆ, 2 սեպտեմբերի – Sputnik. Ալեքսեյ Նավալնու «թունավորման» ախտանիշները բոլորովին նման չեն «Նովիչոկ» թունավոր նյութի կիրառման դեպքում ի հայտ եկող նշաններին, ՌԻԱ Նովոստիին ասել է Քիմիական գիտությունների դոկտոր, «Նովիչոկի» մշակմանը անմիջականորեն մասնակցած Լեոնիդ Ռինկը: «Ախտանշանները բոլորովին այլ են»,-ասել է նա։

Եթե «Նովիչոկ» կիրառված լիներ, թունավորման նշաններն ուրիշ կլինեին, մասնավորապես՝ ցնցումներ և այլն։

«Իմ կարծիքը հետևյալն է՝ պանկրեատիտի սովորական նոպա է՝ ենթաստամոքսային գեղձի ոչ մեծ թունավորումից և ինսուլինի մեծ քանակությամբ արտադրման արձագանք։ Ամբողջ պատկերը մեկը մեկին համընկնում է իմ ասածին։ Նրա մոտ անգամ բժիշկներն են ենթաստամոքսային գեղծի խրոնիկական բորբոքում հաստատել, էլ ինչի մասին է խոսքը»,-ասել է Ռինկը։

Գերմանիայի կառավարությունը չորեքշաբթի հայտարարել է` բունդեսվերի լաբորատորիայի մասնագետները պարզել են, որ Նավալնին «թունավորվել է» «Նովիչոկ» թունավոր նյութերի շարքին պատկանող սուբստանցիայով։ ՌԴ նախագահի մամուլի քարտուղար Դմիտրի Պեսկովը ՌԻԱ Նովոստիին հայտնել է, որ Բեռլինը Մոսկվային չի տեղեկացրել Նավալնու՝ «Նովիչոկով» թունավորված լինելու իր եզրակացությունների մասին, Ռուսաստանը նման տվյալներ չունի: ՌԴ ԱԳՆ-ում, մեկնաբանելով գերմանական կառավարության հայտարարությունը, նշել են, որ ռուսական կողմը սպասում է Գերմանիայի պատասխանին:

Նավալնուն տեղափոխող ինքնաթիռը ժամանել է Բեռլինի օդանավակայան

Նավալնուն հիվանդանոց էին տեղափոխել օգոստոսի 20-ին Օմսկում, երբ նրա ինքնազգացողությունը վատացել էր Տոմսկից Մոսկվա տանող ինքնաթիռում։ Զննումից հետո Օմսկի հիվանդանոցի բժիշկները որպես հիմնական ախտորոշում նշել են նյութափոխանակության խանգարումը, որն առաջացրել է արյան մեջ շաքարի մակարդակի կտրուկի անկում։ Խանգարման պատճառը դեռ պարզ չէ, բայց Նավալնու արյան և մեզի մեջ թույնի հետքեր, Օմսկի բժիշկների տվյալներով, չեն հայտնաբերվել։

Երկու օր անց Նավալնուն ծանր վիճակում ինքնաթիռով տեղափոխել են Բեռլինի Charite կլինիկա, որտեղ բժիշկները նախապես ախտորոշել էին թունավորում խոլինէսթերազ խմբի նյութով։

ՌԴ ԱԳՆ-ում կասկածելի են համարել շտապողականությունը, որով ԱՄՆ-ն ու ԵՄ-ն ընդունեցին Նավալնու թունավորման վարկածը։ Ըստ ռուս դիվանագետների հայտարարության՝ Մոսկվան կատարվածի մանրակրկիտ հետաքննության կողմնակիցն է։   

Ըստ թեմայի

ԱԻՆ-ը հրապարակել է Արմավիրում խմիչքից թունավորվածների և մահացածների անունները
Ալկոհոլային թունավորման 4 նոր դեպք է արձանագրվել Արմավիրում ու Երևանում
Արմավիրում խմիչքից թունավորման քրեական գործով ևս երկու անձ է ձերբակալվել
թեգերը:
թունավորում, Ռուսաստան, Գերմանիա, Նովիչոկ, Ալեքսեյ Նավալնի

Գլխավոր թեմաներ