ԵՐԵՎԱՆ, 17 սեպտեմբերի – Sputnik. Եվգենի Պետրոսյանի կինը՝ 31-ամյա Տատյանա Բրուխունովան, ամուսնուց անմիջապես հետո անդրադարձել է որդու ծննդյանը։
Սեպտեմբերի 16-ին Պետրոսյանն առաջին անգամ հրապարակայնորեն հաստատել է երեխայի ծննդյան հետ կապված տեղեկությունը՝ Instagram-ի իր էջում տեղադրելով որդու լուսանկարը։ Երեխային տվել են Պետրոսյանի հոր անունը՝ Վահան։
Մինչ այդ լրատվամիջոցներում լուրեր էին տարածվել, որ երեխային փոխնակ մայրն է ունեցել։ Սակայն Բրուխունովան հերքել է այդ վարկածը՝ պատմելով, թե ինչպես է իրեն հաջողվել երկար ժամանակ թաքցնել հղիությունը։
«Շնորհակալ եմ կարանտինին. ոչ ոք եւ ոչինչ չէր շեղում ինձ նոր մարդու հետ ծանոթանալու հետաքրքրական գործընթացից։ Գարնանը մեկնեցի ամենասպասված ճանապարհորդությանը, որտեղ ինձ մեկընդմիշտ պատասխանատու դեր էր վստահված՝ մոր դերը»,-գրել է Բրուխունովան իր ինստագրամյան էջում։
Նա շնորհակալություն է հայտնել իր էջի բաժանորդներին, որոնք տեսնելով իրեն «շատ ազատ զգեստով», ցույց չեն տվել, որ կռահել են իր հետաքրքիր վիճակի մասին ու չեն անհանգստացրել իրենց հարցերով։
Երիտասարդացած Եվգենի Պետրոսյանը կնոջ հետ հանգստանում է Սոչիում. լուսանկարներ
«Շնորհակալություն բոլոր նրանց, ովքեր կռահել, բայց նրբանկատորեն լռել են։ Դա ինձ համար դժվար, բայց և ամենաերջանիկ ժամանակաշրջանն էր»,-գրել է Բրուխունովան։
Посмотреть эту публикацию в Instagram
«Շնորհավորում եմ։ Ապրեք դուք, որ ֆինանսական հնարավորություն ունենալով հանդերձ՝ չեք օգտվել փոխնակ մոր ծառայություններից։ Ամեն ինչ ըստ բնության օրենքների է։ Հաջողություններ և առողջություն երկուսիդ»։
«Շնորհավորում եմ, ուրախ եմ ձեզ համար... Ինչպես եք կարողացել գաղտնի պահել, երբ ձեզ հետևում են 24/7 ռեժիմով»։
ֿ«Տանյուշ, դուք իմաստուն եք։ Հղիությունը կնոջ խորհրդավոր շրջանն է, և դուք այն ճիշտ անցաք՝ լռելով. երջանկությունը լռություն է սիրում։ Շնորհավորանքներս»,-այսպիսի մեկնաբանություններ են թողել օգտատերերը գրառման տակ։
Հիշեցնենք, որ Եվգենի Պետրոսյանն ու Տատյանա Բրուխունովան ամուսնացել են 2019-ի դեկտեմբերին։ Մինչ այդ՝ 33 տարի, Պետրոսյանն ամուսնացած էր գործընկերոջ՝ հումորիստ Ելենա Ստեպանենկոյի հետ։
