09:50 24 հոկտեմբերի 2020
Ուղիղ եթեր
  • USD494.01
  • GBP646.41
  • EUR585.25
  • RUB6.47
Աշխարհ
Ստանալ կարճ հղումը
Ադրբեջանական ագրեսիան Արցախում - 2020 (1558)
648 0 0

Արաբական պետությունների լիգայի գլխավոր քարտուղար Ահմեդ Աբուլ Ղեյտը նախազգուշացրել է Թուրքիային ու դրա ղեկավարությանը իրենց գործողությունների հետևանքների մասին։

ԵՐԵՎԱՆ, 5 հոկտեմբերի – Sputnik. Անկարան սիրիացի վարձկանների է օգտագործում Ադրբեջանի կողմից Հայաստանի դեմ կռվելու համար։ Arab News-ի փոխանցմամբ՝ տեղեկությունը հայտնել է Արաբական պետությունների լիգայի գլխավոր քարտուղար Ահմեդ Աբուլ Ղեյտը։

Ավելի վաղ հայտնի էր դարձել, որ Թուրքիան Սիրիայի հյուսիսից վարձկանների է տեղափոխել Ադրբեջան՝ Արցախի ու Հայաստանի դեմ նրանց օգտագործելու համար։ Տեղեկության համաձայն՝ նրանց 1,5-2 հազար դոլար են վճարել մարտական գործողություններին մասնակցելու համար։ Տեղեկությունը հաստատել են ոչ միայն արցախյան ու հայաստանյան ղեկավարությունը, այլև միջազգային ԶԼՄ-ները, արտասահմանյան իրավապահ կազամակերպությունները, Սիրիայի, Ֆրանսիայի ու մի շարք այլ երկրների ղեկավարությունները։

«Ինձ բարկացնում է, որ սիրիացի վարձկաններին օգտագործում են Ադրբեջանում՝ Հայաստանի դեմ կռվելու համար․․․ Շատ տխուր է, որ Էրդողանն օգտագործում է սիրիացի վարձկաններին Թուրքիայի հետ կապ չունեցող գործերում», - ասել է Աբուլ Ղեյտը։

Սուտ լուրերով Ադրբեջանը պատերազմի աշխարհագրությունն ընդլայնելու հող է նախապատրաստում. ԱԳՆ

Նրա խոսքով՝ Կովկասի ու Միջերկրական ծովի տարածաշրջանում լարվածության սրմանն ուղղված՝ Թուրքիայի գործողությունները «վատ ավարտ» կունենան հենց իր համար։ Նա նշել է, որ Թուրքիան բազում տարաձայնություններ ունի տարածաշրջանային երկրների ու գերտերությունների հետ։

Աբուլ Ղեյտը դատապարտել է Թուրքիայի միջամտությունը Եգիպտոսի, Սիրիայի, Իրաքի ու Լիբիայի հարցերին։

ԱԵԼ գլխավոր քարտուղարը նշել է, որ Թուրքիայի նախագահ Ռեջեփ Թայիփ Էրդողանը միջամտել է նաև Հայաստանի ու Ադրբեջանի գործերին, բախվել է Հունաստանի ու Կիպրոսի հետ ու հարձակում է գործել արևելյան Միջերկրական ծովում գազով հարուստ ծովային գոտիներում։

Նրա խոսքով՝ դա ստիպել է Ֆրանսիայի պես մեծ ու ազդեցիկ երկրին կործանիչներ ու ավիակիր ուղարկել Կիպրոս։ Նա ընդգծել է, որ նույնիսկ Իտալիան, որն ըմբռնումով էր մոտենում Անկարայի շատ դիրքորոշումներին, աջակցել է Ֆրանսիային։

Գլխավոր քարտուղարն ընդգծել է, որ բոլորը միաձայն զգուշացնում են Էրդողանին, որ իր գործողություններն անպատիժ չեն մնալու։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 4-ի ժ. 21։00-ի դրությամբ` հակառակորդի կրակոցների հետևանքով զոհվել են 202 զինծառայողներ և 8 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 3154 զոհ ունի, ավելի քան 5000 վիրավոր։ 

Ըստ վերջին տվյալների ՝ Ադրբեջանի զինված ուժերը կորցրել են 17 ինքնաթիռ, 14 ուղղաթիռ, 124 անօդաչու սարք, 3 ՏՈՍ-1 «Սոլնցեպեկ», 4 «Սմերչ» համազարկային կրակի ռեակտիվ համակարգ, 368 տանկ և ՀՄՄ:

Առաջնագծում գտնվող տղաներն անում են անհնարինը. տեսանյութ

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։

Հայացք թաքստոցից․ մահվան աչքերին նայած արցախցիները․ լուսանկարներ

թեմա:
Ադրբեջանական ագրեսիան Արցախում - 2020 (1558)

Ըստ թեմայի

Ադրբեջանի նախագահի օգնականը մատնել է թուրք զինվորականի ներկայությունը Գյանջայում
Հայաստանը Թուրքիայի հարցով դիմել է ՄԻԵԴ
Եվրոպան պետք է սպասի Թուրքիային Վիեննայի մերձակայքում. Նիկոլ Փաշինյան
թեգերը:
Ադրբեջան, ահաբեկիչ, Թուրքիա, Արցախ

Գլխավոր թեմաներ